இந்தியாவில் கொரோனா வைரஸ் தாக்கம் அதிகரித்து கொண்டே வருகிறது. கொரோனா பரவலை தடுக்க நாடு முழுவதும் ஊரடங்கு அமல்படுத்தப்பட்டது. இதனால் பள்ளிகளை திறக்க முடியாத சூழ்நிலை ஏற்பட்டது. பள்ளி மட்டுமின்றி கல்லூரிகள் மூடப்பட்டதால், மாணவர்களின் கல்வி பாதிக்கப்பட்டுள்ளது.
இதனால் ஆன்-லைன் மூலம் பாடங்களை நடத்த மாநில அரசுகள் ஆலோசித்து வருகின்றன. ஆன்-லைன் மூலம் பாடங்களை நடத்தும்போது ஸ்மார்ட்போன்கள் இல்லாத மாணவ- மாணவிகள் பாதிக்கப்படுவார்கள். இதனால் 11 மற்றும் 12-ம் வகுப்பு அரசு பள்ளி மாணவிகளுக்கு 50 ஆயிரம் ஸ்மார்ட்போன்கள் வழங்க பஞ்சாப் அரசு முடிவெடுத்துள்ளது.
இந்நிலையில் இதுகுறித்து பஞ்சாப் மாநில முதல்வர் அலுவலகம், 50 ஆயிரம் ஸ்மார்ட்போன்கள் 11-ம் மற்றும் 12-ம் வகுப்பு மாணவிகளுக்கு வழங்குவதற்காக தயார் நிலையில் உள்ளதாக செய்தி வெளியிட்டுள்ளது. ஸ்மார்ட்போன்கள் இல்லாத மாணவ- மாணவிகள் இதனால் பயனடைவார்கள்.
கொரோனா காலத்தில் மாணவிகள் ஆன்-லைன் மூலம் கல்வி கற்க முன்னுரிமை அடிப்படையில் 50 ஆயிரம் ஸ்மார்ட்போன்கள் 11-ம் மற்றும் 12-ம் வகுப்பு மாணவிகளுக்கு வழங்கும் இந்த முடிவு எடுக்கப்பட்டுள்ளதாக பஞ்சாப் மாநில முதல்வர் அலுவலகம் தெரிவித்துள்ளது.