இங்கிலாந்து: கட்டுப்பாட்டை இழந்து கடலில் சிறிய விமானம் தலைகுப்புறக் கவிழ்ந்தது. இந்த விபத்தில் விமானி உயிர் தப்பினார்.
இங்கிலாந்தில் கட்டுப்பாட்டை இழந்த சிறிய விமானம் ஒன்று கடலில் விழுந்து விபத்துக்குள்ளானது.
சவுத் வேல்ஸ் பகுதியில் போர்த்காவ்ல் என்ற இடத்தில் இலகு ரக விமானம் ஒன்று கட்டுப்பாட்டை இழந்து பறந்தது. பாறைகள் நிறைந்த அந்தப் பகுதியைத் தவிர்த்த விமானி கடலின் மேற்பரப்பில் பறக்க முயற்சிக்கும் போது, விமானம் கடலுக்குள் பாய்ந்து விபத்துக்குள்ளானது.
விமானம் தலைகுப்புற விழுந்த நிலையில்,உயிர்தப்பிய விமானி நீந்தி கரையை அடைந்தார். தகவலறிந்த காவல் துறையினர் படகு மூலம் விமானத்தை அடையும் நேரத்தில், விமானத்தின் பெரும் பகுதி கடலுக்குள் மூழ்கியது.