- வீடு›
- அழகு குறிப்புகள்›
- இளமை மாறாமல் இருக்க ஆமணக்கு எண்ணெய்யை இப்படி பயன்படுத்தலாம்!
இளமை மாறாமல் இருக்க ஆமணக்கு எண்ணெய்யை இப்படி பயன்படுத்தலாம்!
By: Monisha Sun, 20 Dec 2020 5:31:50 PM
அழகு பராமரிப்பில் பயன்படுத்தப்படும் ஆமணக்கு எண்ணெய் சருமம் மற்றும் கூந்தலுக்கு நல்ல அழகை பெற்றுத் தருகிறது. இளமையை பாதுகாக்க ஆமணக்கு எண்ணெய் தான் சிறந்த தீர்வாக தற்போது உள்ளது. இந்த எண்ணெய்யை ஒரு சில பொருட்களோடு சேர்த்து பயன்படுத்தினால் இளமை மாறாமல் இருக்கலாம்.
1 ஸ்பூன் எலுமிச்சை சாற்றை எடுத்து, அதை 1 ஸ்பூன் ஆமணக்கு எண்ணெய்யுடன் கலந்து முகத்தில் தடவவும். இதை அரை மணி நேரம் சென்று கழுவி விடலாம். இந்த முறையை 1 நாளைக்கு 2 முதல் 3 முறை செய்து வந்தால் இளமையை அப்படியே பாதுகாக்கலாம்.
1 ஸ்பூன் கற்றாழை ஜெல்லை 1 ஸ்பூன் ஆமணக்கு எண்ணெய்யுடன் கலந்து கொள்ளவும். பிறகு இதனை முகத்தில் தடவி 20 நிமிடத்திற்கு பின் கழுவவும். இந்த குறிப்பை தினமும் 1 முறையாவது செய்து வந்தால் முக சுருக்கங்கள் மறைந்து, இளமை தோற்றம் நீடிக்கும்.
1 ஸ்பூன் பன்னீரை எடுத்து கொண்டு அதனை 1 ஸ்பூன் ஆமணக்கு எண்ணெய்யுடன் கலந்து முகத்தில் தடவவும். 15 நிமிடம் கழித்து முகத்தை குளிர்ந்த நீரால் கழுவவும். இவ்வாறு செய்து வருவதால் முகத்தின் சுருக்கங்கள் மறைந்து இழந்த இளமையை நீங்கள் மீண்டும் பெறலாம்.