- வீடு›
- பொழுதுபோக்கு›
- அதிக டிஸ்லைக் பெற்ற சடக் 2 படத்தின் டிரெய்லர்...படக்குழுவினர் அதிர்ச்சி!
அதிக டிஸ்லைக் பெற்ற சடக் 2 படத்தின் டிரெய்லர்...படக்குழுவினர் அதிர்ச்சி!
By: Monisha Thu, 13 Aug 2020 4:05:54 PM
மகேஷ் பட் இயக்கத்தில் ஆலியா பட் நடித்துள்ள 'சடக் 2' படத்தின் டிரெய்லர் ஒரே நாளில் 6 மில்லியன் டிஸ்லைக்குகளை பெற்று அதிர்ச்சியை ஏற்படுத்தியுள்ளது.
பாலிவுட் நடிகர் சுஷாந்த் சிங் ராஜ்புட் தற்கொலை செய்துகொண்ட சம்பவம் பாலிவுட்டில் பரபரப்பை ஏற்படுத்தியது. அவரது தற்கொலை முடிவுக்கு காரணம் பாலிவுட் திரையுலகில் நிலவும் வாரிசு அரசியல் தான் என கூறப்படுகிறது. அவரது மறைவுக்கு பின் கரண் ஜோகர், ஆலியா பட் உள்ளிட்ட வாரிசு நடிகர்களை நெட்டிசன்கள் கடுமையாக விமர்சித்து வருகின்றனர்.
இந்நிலையில், மகேஷ் பட் இயக்கத்தில் அவரது மகள்கள் ஆலியா பட், பூஜா பட் நடித்துள்ள 'சடக் 2' படத்தின் டிரெய்லர் நேற்று வெளியானது.
இந்த டிரெய்லர் யூடியூபில் வெளியானது முதல் கடும் எதிர்ப்பை சந்தித்து வருகிறது. சுஷாந்த் ரசிகர்கள் இந்த டிரெய்லருக்கு டிஸ்லைக் செய்து எதிர்ப்புகளை வெளிப்படுத்தி வருகின்றனர்.
இந்த டிரெய்லர் வெளியான 24 மணிநேரத்திற்குள் 19 மில்லியன் பார்வையாளர்களை கடந்து யூடியூபில் டிரெண்டாகி வந்தாலும், இதற்கு இதுவரை 6 மில்லியன் (60 லட்சம்) பார்வையாளர்கள் டிஸ்லைக் செய்துள்ளனர்.
3 லட்சம் பேர் மட்டுமே லைக் செய்துள்ளனர். இதனால் படக்குழுவினர் அதிர்ச்சி அடைந்துள்ளனர். அதிக டிஸ்லைக் பெற்ற டிரெய்லர்கள் பட்டியலில் 'சடக் 2' இந்திய அளவில் முதலிடம் பிடித்துள்ளது. இப்படம் விரைவில் ஓடிடி தளத்தில் வெளியாக உள்ளது குறிப்பிடத்தக்கது.