ஒரு காமெடி சீனின் ஒரு படத்த வச்சி இப்டி பின்ரீங்களேப்பா!! - நடிகர் விவேக்

தமிழ் சினிமாவில் தவிர்க்க முடியாத நடிகர்களில் ஒருவராக வலம் வருபவர் விவேக். இவர் தமது காமெடி மூலமாக மக்களுக்கு தேவையான நல்ல கருத்துக்களை கொண்டு சேர்ந்துள்ளார். விவேக் காமெடியை வைத்து உருவாக்கப்பட்ட மீம்ஸ்கள் அடிக்கடி சோசியல் மீடியாவில் வைரலாகும்.

இந்நிலையில் தமிழகத்தை நிவர் புயல் தாக்கவுள்ளது. இதனால் தமிழகத்தில் பெரும்பாலான மாவட்டங்களில் தீவிர கனமழை பெய்யும் என்று கூறப்படுகிறது. மேலும் இந்த புயல் வேகமா அதிகரித்து கொண்டே செல்வதாக வானிலை ஆய்வு மையம் தெரிவித்துள்ளது.

இந்நிலையில், தற்போது நிவர் புயலை மையமாக வைத்து மீம்ஸ் ஒன்று வைரலாகி வருகிறது. புதுசா வர்ற புயலுக்கு கேதர் யாதவ் என்று பேர் வச்சிருந்தா அடிக்காமலே போயிரும். ஐடியா இல்லாத பசங்க.. என்ற புகைப்படத்தை வைத்து மீம்ஸ் ஒன்று வைரலாகி வருகிறது.

இதனை பார்த்த விவேக் அந்த மீம்ஷை பகிர்ந்து, எப்பவோ நடிச்ச ஒரு காமெடி சீனின் ஒரு படத்த வச்சி இப்டி பின்ரீங்களேப்பா!! ஐடியா உள்ள பசங்க!! என்று கூறியிருக்கிறார். இது தற்போது பகிரப்பட்டு வருகிறது.