தொலைகாட்சி நிகழ்ச்சியில் பங்கேற்ற நடிகர் அப்பாஸ்

சென்னை: தொலைக்காட்சி நிகழ்ச்சியில் பங்கேற்பு... நடிகர் அப்பாஸ் தொலைக்காட்சி நிகழ்ச்சி ஒன்றில் பங்கேற்றுள்ளார். அதற்கான ப்ரோமோ வெளியாகி ரசிகர்களிடையே நல்ல வரவேற்பைப் பெற்று வருகிறது.

தமிழ் சினிமாவில் 90களில் சாக்லெட் பாயாக வலம் வந்தவர் நடிகர் அப்பாஸ். இவர் காதல் தேசம் படத்தின் மூலம் அறிமுகமானார். தொடர்ந்து வி.ஐ.பி, பூச்சூடுவா, படையப்பா, கண்டுகொண்டேன் கண்டுகொண்டேன், ஆனந்தம் உள்ளிட்ட தமிழ்ப் படங்களில் நடித்து பிரபலமானார்.

2015க்கு பிறகு சினிமா படவாய்ப்பு சரிவர கிடைக்காததால் வெளிநாட்டுக்குச் சென்று, அங்கு வேலை பார்த்து வந்தார். படவாய்ப்பு குறித்து நடிகர் அப்பாஸ் அளித்த பேட்டியானது சமூக வலைதளங்களில் அதிகம் பேசப்பட்டது.

இந்த நிலையில், விஜய் தொலைக்காட்சியில் ஒளிப்பரப்பாகி வரும் சூப்பர் சிங்கர் நிகழ்ச்சியில் விருந்தினராக பங்கேற்றுள்ளார். இந்நிகழ்ச்சியில் தொகுப்பாளார் மாகாபாவுடன் கலாட்டா காட்சி இணையத்தில் வைரலாகி வருகிறது.

மேலும், நடிகர் அப்பாஸ் பிக்பாஸ் நிகழ்ச்சியில் பங்கேற்க xள்ளதாகவும் தகவல் வெளியாகியுள்ளது.