லியோ வெற்றி பெற நடிகர் ரஜினி வாழ்த்து

நடிகர் விஜய், இயக்குநர் லோகேஷ் கனகராஜுடன் கூட்டணி அமைத்து தயாராகி வரும் திரைப்படம் 'லியோ'. இந்த படத்தில் அவருக்கு ஜோடியா திரிஷா நடித்துள்ளார். ஆக்ஷன் அதிரடியில் உருவாகும் இப்படத்திற்கு அனிருத் இசையமைத்துள்ளார்.

இதனை அடுத்து இந்த படத்தில் சஞ்சய் தத், மிஸ்கின், சாண்டி மாஸ்டர், பிரியா ஆனந்த் என்று பலர் முக்கிய கதாப்பாத்திரத்தில் நடித்துள்ளனர். ஆயுத பூஜையை முன்னிட்டு வருகிற அக்டோபர் 19-ம் தேதி உலகம் முழுவதும் நடிகர் விஜய் நடிப்பில் 'லியோ' திரைப்படம் வெளியாகவுள்ளது.

இந்நிலையில், லியோ திரைப்படம் பெரிய வெற்றி பெற இறைவனை வேண்டுவதாக நடிகர் ரஜினிகாந்த் கூறியுள்ளார். தனது 170-வது படப்பிடிப்பிற்காக கன்னியாகுமரி சென்றிந்த நடிகர் ரஜினிகாந்த் தூத்துக்குடி விமான நிலையத்தில் இன்று செய்தியாளர்களை சந்தித்தார்.

அப்போது பேசிய அவர், இங்கு உள்ள மக்கள் அனைவரும் மிகவும் அன்பானவர்கள். எல்லோருடனும் புகைப்படம் எடுக்க முடியவில்லை என்பதே வருத்தம். நடிகர் விஜயின் நடிப்பில் வெளியாக உள்ள லியோ திரைப்படம் மிகப்பெரிய வெற்றி பெற இறைவனை வேண்டுகிறேன் என அவர் கூறினார்.