நடிகர் விவேக்கின் உறவினர் கொரோனாவுக்கு சிகிச்சை பெற்று குணம் அடைந்தார்!

கொரோனா நோய் தொற்றுக்கு பல திரையுலக பிரமுகர்கள் பாதிக்கப்பட்டு வருகின்றனர். நேற்று அமிதாப்பச்சன் குடும்பத்திலுள்ள நால்வருக்கும் அனுபம்கெர் குடும்பத்தில் உள்ள நால்வருக்கும் கொரோனா வைரஸ் உறுதி செய்யப்பட்டது. இதனையடுத்து அவர்கள் சிகிச்சை பெற்று வருகின்றனர்.

தமிழ் சினிமாவின் முன்னணி காமெடி நடிகர்களில் ஒருவரான நடிகர் விவேக்கின் மைத்துனருக்கு கொரோனா வைரஸ் பாதிப்பு ஏற்பட்டுள்ளதாகவும் இதனை அடுத்து அவர் அரசு மருத்துவமனையில் அனுமதிக்கப்பட்டு உயர்தர சிகிச்சை பெற்று குணம் அடைந்து வீடு திரும்பி உள்ளதாகவும் செய்திகள் வெளிவந்துள்ளது.

இதுகுறித்து நடிகர் விவேக் தனது டுவிட்டர் பக்கத்தில் கூறியதாவது:- "எனது மைத்துனர், கொரோனாவால் காய்ச்சல், மூச்சுத் திணறலுடன் ஓமந்தூரார் அரசு மருத்துவமனையில் அனுமதிக்கப்பட்டார். 10 நாட்களில் முற்றிலும் குணமடைந்தார். எளிய இடம் ஆனால் சிறந்த மருத்துவ வசதி, சிகிச்சை, தரமான உணவு கிடைத்ததாம். அரசு மருத்துவர்களுக்கு நன்றி" இவ்வாறு நடிகர் விவேக் தனது டுவிட்டரில் குறிப்பிட்டுள்ளார்.