இந்தி பட வாய்ப்பு வந்தால் டிசர்ட்டை கழட்டிவிடுவார்கள்; நகைச்சுவை நடிகை டுவிட்

கடந்த சில நாட்களாக இந்தி மொழிக்கு எதிரான டீசர்ட்டுகளை அணிந்து திரையுலகினர் சிலர் டுவிட்டர் உள்ளிட்ட சமூக வலைத்தளங்களில் பதிவிட்டு வருகின்றனர். மேலும் இதுகுறித்த ஹேஷ்டேக்குகளை இந்திய அளவில் டிரெண்டாக்கி வருகின்றனர்.

இந்த நிலையில் இதுகுறித்து நகைச்சுவை நடிகையும் பிக்பாஸ் போட்டியாளர்களில் ஒருவருமான ஆர்த்தி தனது சமூக வலைத்தளத்தில் கூறியதாவது:-

"நம்ம தமிழ் -தாய் மாதிரி நமக்கு உயிர்மூச்சு. பிறருக்கு அவங்க மொழி அப்படிதான்... ஆதி மொழி தமிழிலிருந்து தான் எல்லா மொழியும்பிறந்திருக்கு.. அதனால பழிப்பது தவறு, விரும்பினால் படிப்போம்... இந்தி பட வாய்ப்பு வந்தால் டிசர்ட்டை கழட்டிவிடுவார்கள் பிரபலங்கள், ஜாக்கிரதை" என்று கூறியுள்ளார்.

மேலும் நடிகை ஆர்த்தி இன்னொரு டுவிட்ட்டில், "இந்திய மொழிகளில் ஒன்று இந்தி, அது வேண்டானு எதிர்பீங்க, ஆனா எங்கேயோ இருந்து வந்து நம்மை அடிமை படுத்தியிருந்த ஆங்கிலத்தை அரவணைப்பீங்க" என்றும் தெரிவித்துள்ளார்.

ஆர்த்தியின் இந்த டுவிட்டுக்களுக்கு நெட்டிசன்கள் ஆதரவு மற்றும் எதிர்ப்பு கமெண்ட்டுக்களை மாறி மாறி பதிவு செய்து வருகின்றனர்.