இயக்குனர் வெற்றிமாறன் படங்கள் எனக்கு மிகவும் பிடிக்கும்; நடிகை மாளவிகா மோகனன்

தமிழில் பேட்ட படத்தின் மூலம் அறிமுகமானவர் மாளவிகா மோகனன். இதைத் தொடர்ந்து தற்போது விஜய் நடிப்பில் உருவாகி இருக்கும் 'மாஸ்டர்' படத்தில் கதாநாயகியாக நடித்துள்ளார். லோகேஷ் கனகராஜ் இயக்கியுள்ள இப்படம் கொரோனா ஊரடங்கு முடிந்த பிறகு தியேட்டரில் வெளியாக இருக்கிறது.

நேற்று மாளவிகா மோகனன் தனது பிறந்தநாளை கொண்டாடினார். இதற்காக மாஸ்டர் படக்குழுவினர் அவருக்கு வாழ்த்து கூறி புதிய போஸ்டர் ஒன்றை வெளியிட்டனர். இது சமூக வலைத்தளத்தில் வைரலானது.

அதனைத் தொடர்ந்து தனது சமூக வலைத்தள பக்கத்தில் ரசிகர்களின் கேள்விக்கு பதிலளித்தார் மாளவிகா மோகனன்.

இதில் ரசிகர் ஒருவர், “ஒரு முறையாவது நீங்கள் பணியாற்ற விரும்பும் கோலிவுட் இயக்குனர் யார்?” என கேள்வி எழுப்பினார். இதற்கு வெற்றிமாறன் என பதிலளித்த மாளவிகா மோகனன், அவரின் ரசிகை என்றும், அவரது படங்கள் தனக்கு மிகவும் பிடிக்கும் எனவும் கூறினார்.