- வீடு›
- பொழுதுபோக்கு›
- நடிகை சமந்தா இன்ஸ்டாகிராமில் வெளியிட்ட புகைப்படங்கள் வைரல்
நடிகை சமந்தா இன்ஸ்டாகிராமில் வெளியிட்ட புகைப்படங்கள் வைரல்
By: Nagaraj Wed, 07 June 2023 7:19:09 PM
சென்னை: மீண்டு வந்துட்டார்... நடிகை சமந்தா இன்ஸ்டாகிராமில் வெளியிட்டுள்ள புகைப்படங்கள் இணையத்தில் வைரலாகி வருகின்றது.
தமிழ், தெலுங்கு, ஹிந்தி என இந்திய அளவில் பிரபல நடிகையாக இருக்கும் சமந்தா சமீபத்தில் மயோசிடிஸ் எனும் அரிய வகை தசை அழற்சி நோயினால் பாதிக்கப்பட்டுள்ளதாக தெரிவித்து ரசிகர்களை அதிர்ச்சியில் ஆழ்த்தினார். தொடர் சிகிச்சைக்கு பிறகு தற்போது அதிலிருந்து மீண்டுள்ளார்.
யசோதா, சாகுந்தலம் படங்களைத் தொடர்ந்து, விஜய் தேவரகொண்டாவுடன் சமந்தா குஷி என்ற தெலுங்கு படத்தில் நடித்து வருகிறார். இப்படத்தின் படப்பிடிப்பு துருக்கியில் நடைபெற்று வருகிறது. கடந்த வாரம் விஜய் தேவரகொண்டாவுடன் உணவகத்தில் இருக்கும் புகைப்படத்தை இன்ஸ்டாவில் பதிவிட்டு வைரலானார்.
இந்நிலையில் உடற்பயிற்சி கூடத்தில் பயிற்சி செய்யும் புகைப்படங்கள், நாயுடன் விளையாடும் புகைப்படங்கள் உள்ளிட்டவை பகிர்ந்துள்ளார். நீண்ட நாள்களுக்கு பிறகு சிரித்த முகத்துடன் சமந்தா வெளியிட்டுள்ள புகைப்படங்களை ரசிகர்கள் இணையத்தில் பகிர்ந்து வருகின்றனர்.