புத்தாண்டு பிறக்கும் நள்ளிரவில் வெளியாகும் டீசர் குறித்த அறிவிப்பு

லோகேஷ் கனகராஜ் இயக்கத்தில் தளபதி விஜய் நடித்த 'மாஸ்டர்' திரைப்படத்தின் டிரைலர் புத்தாண்டு தினத்தில் வெளியாகும் என்று ரசிகர்கள் மத்தியில் எதிர்பார்ப்பு ஏற்பட்டுள்ளது. ஆனாலும் இது குறித்த அதிகாரப்பூர்வ அறிவிப்பு இன்னும் வெளியாகவில்லை.

இந்த நிலையில் புத்தாண்டு பிறக்கும் ஜனவரி 1ஆம் தேதி சரியாக நள்ளிரவு 12 மணிக்கு முன்னணி நடிகர் நடித்த திரைப்படம் ஒன்றின் டீசர் வெளியாக இருப்பது அதிகாரபூர்வமாக அறிவிக்கப்பட்டுள்ளது. கடந்த 2015அம் ஆண்டு மலையாளத்தில் வெளிவந்த சூப்பர் ஹிட் திரைப்படம் 'த்ரிஷ்யம்'. இந்த திரைப்படம் தமிழ் உள்பட கிட்டத்தட்ட அனைத்து இந்திய மொழிகளிலும் ரீமேக் செய்யப்பட்டு வெற்றி பெற்றது.

தற்போது இந்த படத்தின் இரண்டாம் பாகத்தின் படப்பிடிப்பு விறுவிறுப்பாக நடைபெற்று வருகிறது. மோகன்லால், மீனா உள்பட கிட்டத்தட்ட 'திரிஷ்யம்' படத்தின் படக்குழுவினர்கள் இதிலும் பணிபுரிந்து வருகின்றனர் என்பது குறிப்பிடத்தக்கது

இந்த நிலையில் 'திரிஷ்யம் 2' படத்தின் டீஸர் ஜனவரி 1ஆம் தேதி புத்தாண்டு பிறக்கும் நள்ளிரவு 12 மணிக்கு வெளியாக இருப்பதாக அறிவிக்கப்பட்டுள்ளது. இதனை அடுத்து மோகன்லாலின் ரசிகர்கள் அனைவரும் இந்த டீசரை வரவேற்க தற்போது தயாராகி வருகின்றனர்.