கமல்ஹாசனை சந்தித்த அட்லி மற்றும் பிரியா அட்லி!

'அந்தகாரம்' திரைப்படம் மிகப்பெரிய வரவேற்பை பெற்றதை அடுத்து கமல்ஹாசனிடம் படக்குழுவினர் வாழ்த்து பெற்றுள்ளனர்.

தமிழ் சினிமாவில் 'ராஜா ராணி' என்ற திரைப்படத்தில் அறிமுகமாகி அதன் பின்னர் தளபதி விஜய் நடித்த 'தெறி' 'மெர்சல்' மற்றும் 'பிகில்' ஆகிய மூன்று வெற்றி படங்களை கொடுத்தவர் இயக்குநர் அட்லி. இவர் அடுத்ததாக ஷாருக்கான் நடிக்கும் பாலிவுட் படத்தை இயக்க இருப்பதாக கூறப்படுகிறது.

இந்த நிலையில் தற்போது அட்லியின் மனைவி பிரியா அட்லி தயாரித்த 'அந்தகாரம்' திரைப்படம் சமீபத்தில் ஓடிடி பிளாட்பாரத்தில் வெளியானது.

இந்தப்படம் மிகப்பெரிய வரவேற்பைப் பெற்றத்தோடு பாசிட்டிவ் விமர்சனங்களை பெற்றது என்பதும் குறிப்பிடத்தக்கது.

இந்த நிலையில் அட்லி மற்றும் 'அந்தகாரம்' பட தயாரிப்பாளர் பிரியா அட்லி, அர்ஜுன் தாஸ் உள்பட படக்குழுவினர் அனைவரும் இன்று உலக நாயகன் கமல்ஹாசனை சந்தித்து ஆசி பெற்றனர். 'அந்தகாரம்' திரைப்படம் மிகப்பெரிய வரவேற்பை பெற்றதை அடுத்து கமல்ஹாசனிடம் படக்குழுவினர் வாழ்த்து பெற்றுள்ளனர்.