வெப் தொடரில் நடிக்கும் பிரபல நடிகையின் அண்ணன்

சென்னை: ‘மை டியர் டயானா’ என்று பெயரிடப்பட்டுள்ள வெப் தொடரில் ஐஸ்வர்யா ராஜேஷின் அண்ணனும் பிக் பாஸ் போட்டியாளருமான மணிகண்ட ராஜேஷ் நடித்துள்ளார்.

தமிழ் சினிமாவில் கதாநாயகிகளுக்கு முக்கியத்துவம் உள்ள படங்களை தேர்வு செய்யும் நயன்தாரா, கீர்த்தி சுரேஷ் ஆகியோருக்கு அடுத்த இடத்தில் இருப்பவர் ஐஸ்வர்யா ராஜேஷ்.

அவரது சமீபத்திய வெளியீடுகளில் டிரைவர் ஜமுனா மற்றும் தி கிரேட் இந்தியன் கிச்சன் ஆகியவை அடங்கும். அதையடுத்து, அடுத்தடுத்து படங்கள் ரிலீஸுக்கு காத்திருக்கும் நிலையில், தற்போது அவரது குடும்பத்தில் இருந்து மற்றொரு நடிகர் திரையுலகில் அறிமுகமாகியுள்ளார்.

‘மை டியர் டயானா’ என்று பெயரிடப்பட்டுள்ள இந்த வெப் தொடரில் ஐஸ்வர்யா ராஜேஷின் அண்ணனும் பிக் பாஸ் போட்டியாளருமான மணிகண்ட ராஜேஷ் நடித்துள்ளார்.

பிகே விஜய் மற்றும் கிருதர் ராமகணேஷ் இணைந்து இயக்கியுள்ளனர். சமீபத்தில் தொடங்கிய இந்த தொடரின் படப்பிடிப்பில் ஐஸ்வர்யா ராஜேஷும் கலந்து கொண்டார்.