- வீடு›
- பொழுதுபோக்கு›
- சூரரைப்போற்று திரைப்படம் வெளியாவதில் தாமதம்... சூர்யா டுவிட்டர் பதிவு
சூரரைப்போற்று திரைப்படம் வெளியாவதில் தாமதம்... சூர்யா டுவிட்டர் பதிவு
By: Nagaraj Thu, 22 Oct 2020 10:18:43 PM
தாமதம் ஏற்பட்டுள்ளது...சூரரைப்போற்று திரைப்படம் வெளியாவதில் தாமதம் ஏற்பட்டுள்ளதாக நடிகர் சூர்யா வியாழக்கிழமை தெரிவித்தார்.
இறுதிச்சுற்று சுதா கொங்கராவின் அடுத்த படமான சூரரைப் போற்று படத்தில் கதாநாயகனாக நடித்துள்ளார் சூர்யா. இது அவருடைய 38-வது படம். கதாநாயகியாக மலையாள நடிகை அபர்ணா முரளி நடித்துள்ளார். எட்டு தோட்டாக்கள், சர்வம் தாளமயம் ஆகிய தமிழ்ப்படங்களில் இவர் நடித்துள்ளார். இப்படத்துக்கு இசை - ஜி.வி. பிரகாஷ். ஒளிப்பதிவு - நிகேத் பொம்மிரெட்டி.
சூரரைப் போற்று படம், அக்டோபர் 30-ல் அமேசான் பிரைமில் வெளியாகும் என்று
அறிவிக்கப்பட்டிருந்தது. அமேசான் பிரைம் மூலமாக 200 நாடுகளில் சூரரைப்
போற்று படம் வெளியாகும் என 2டி நிறுவனத்தின் இயக்குநர் ராஜசேகர் பாண்டியன்
தெரிவித்திருந்தார். இந்நிலையில் சூரரைப் போற்று படம் திட்டமிட்டபடி
அக்டோபர் 30 அன்று வெளியாவதில் சிக்கல் ஏற்பட்டுள்ளது.
இது தொடர்பாக
நடிகர் சூர்யா டிவிட்டரில் வெளியிட்டுள்ள அறிக்கையில், திரைப்படம் வெளியிட
பெற வேண்டிய சில தடையில்லா சான்றைப் பெறுவதில் காலதாமதம் ஏற்படுவதால்
திரைப்படத்தை குறிப்பிட்ட தேதியில் வெளியிடுவதில் சிக்கல் ஏற்பட்டுள்ளதாக
தெரிவித்துள்ளார்.