- வீடு›
- பொழுதுபோக்கு›
- தனுஷ் படத்திற்கு இசையமைக்க ஒப்பந்தம் ஆகியுள்ள தேவி ஸ்ரீபிரசாத்
தனுஷ் படத்திற்கு இசையமைக்க ஒப்பந்தம் ஆகியுள்ள தேவி ஸ்ரீபிரசாத்
By: Nagaraj Sat, 04 Nov 2023 4:15:41 PM
சென்னை: தனுஷ் 51-ல் தேவி ஸ்ரீ பிரசாத் இசையமைக்க ஒப்பந்தம் ஆகியுள்ளதாக தகவல் வெளியாகியுள்ளது.
நடிகர் தனுஷ் நடித்த முதல் நேரடி தெலுங்குப் படமான ’வாத்தி’ திரைப்படம் சில மாதங்களுக்கு முன்னர் ரிலீஸாகி கவனம் பெற்றது. இந்நிலையில் தனுஷ் ஏற்கனவே ஒப்பந்தமான தெலுங்கு படத்தில் இயக்குனர் சேகர் கமுலா இயக்கத்தில் நடிக்கும் தனுஷ் 51 படத்தின் அதிகாரப்பூர்வ அறிவிப்பு சமீபத்தில் வெளியானது.
இந்த படத்தில் ராஷ்மிகா மந்தனா மற்றும் நாகார்ஜுனா ஆகியோர் நடிக்க உள்ளதாக அறிவிக்கப்பட்டுள்ளது. இந்நிலையில் இந்த படத்தின் கதை 40 ஆண்டுகளுக்கு முன்னர் நடைபெற்ற ஒரு அரசியல் கதையாக உருவாக உள்ளதாக தகவல்கள் வெளியாகியுள்ளது.
இந்த படத்துக்கு முதலில் தமன் இசையமைப்பதாக இருந்தது. ஆனால் இப்போது அவருக்கு பதிலாக தேவி ஸ்ரீ பிரசாத் இசையமைக்க ஒப்பந்தம் ஆகியுள்ளதாக தகவல் வெளியாகியுள்ளது.