ஆர்யாவுடன் குத்து சண்டை போடும் இயக்குனர் பா.ரஞ்சித்!

தமிழ் சினிமாவில் பிரபல நடிகராக இருக்கும் ஆர்யா, பிரபல இயக்குனருடன் சண்டை போடும் புகைப்படம் ஒன்று வைரலாகி வருகிறது.

அட்டக்கத்தி, மெட்ராஸ், கபாலி, காலா, உள்ளிட்ட வெற்றி படங்களை இயக்கியவர் பா.ரஞ்சித். இவர் தற்போது ஆர்யாவை வைத்து புதிய திரைப்படம் ஒன்றை இயக்கி வருகிறார். சல்பேட்டா என்று பெயர் வைத்திருக்கும் இப்படத்தில் ஆர்யா குத்துச்சண்டை வீரராக நடிக்கிறார்.

இந்நிலையில் ஆர்யாவுடன் இயக்குனர் பா.ரஞ்சித் குத்து சண்டை போடுவது போல புகைப்படம் ஒன்று வெளியாகி வைரலாகி வருகிறது. குத்துச்சண்டை வீரர்களை பற்றிய படம் என்பதால் அதற்காக தீவிர உடற்பயிற்சி செய்து உடல் அமைப்பை மாற்றி இருக்கிறார் ஆர்யா.

இப்படத்தில் வில்லனாக டைரக்டர் மகிழ்திருமேனி நடிக்கிறார். மேலும் சந்தோஷ் பிரதாப், கலையரசன் உள்ளிட்டோர் இப்படத்தில் நடிக்கிறார்கள்.