இயக்குனர் பாலாவா இது... ஹீரோயினை தேவதை போல் காட்டுகிறாராம்

சென்னை: இயக்குனர் பாலாவா? இப்படி மாறிவிட்டார் என்று படக்குழுவினர் நொந்து கொள்கின்றனர். இது சூர்யாவை வைத்து இயக்கும் படத்தில் நடக்கும் விஷயம் என்பதுதான் ஹைலைட்.

இயக்குநர் பாலா, நடிகர் சூர்யாவை வைத்து படம் ஒன்றை இயக்கி வருகிறார்.இந்த திரைப்படம் படம் ஆக்கப்பட்டு வரும் நிலையில் இடையில் பிரச்சனைகள் ஏற்பட்டு திரைப்படம் பாதியில் நிறுத்தப்பட்டதாக செய்திகள் வெளியான நிலையில் மீண்டும் படப்பிடிப்பு தொடர்ந்து நடைபெற்று வருகிறது.

இயக்குநர் பாலா என்றாலே ஒரு கதையை ரியாலிட்டியாக கொண்டு வந்து கண் முன் நிறுத்தி விடுவார். அவர் இயக்கும் திரைப்படத்தில் நடிக்கும் ஹீரோக்கள் மற்றும் ஹீரோயினை ஒட்டுமொத்தமாக வேறு ஒரு நபராக மாற்றி விடுவார்.

இவர் இயக்கிய பிதாமகன் திரைப்படத்தை எடுத்துக் கொண்டால் அதில் விக்ரமை முற்றிலும் வேறு மாதிரியாக காட்டியிருப்பார். அதேபோன்று அவன் இவன் திரைப்படத்தில் விஷாலின் தோற்றமும் வித்தியாசமாக இருக்கும்.

இப்படி ஹீரோக்கள் மட்டுமல்லாமல் ஹீரோயின்களையும் அவர் அந்த கதாபாத்திரமாக மாற்றி விடுவார். அந்த வகையில் நான் கடவுள் படத்தில் பூஜாவை அந்த கேரக்டருக்கு ஏற்றார் போன்று அப்படியே மாற்றி இருந்தார்.

இந்நிலையில் சூர்யாவை வைத்து படம் இயக்கி வரும் பாலா தெலுங்கில் பிரபல நடிகையான கீர்த்தி ஷெட்டி இந்த திரைப்படத்தில் சூர்யாவுக்கு ஜோடியாக நடித்து வருகிறார். இந்த படத்தில் கீர்த்தியை தேவதை போல் காட்டி வருகிறாராம்.இதையடுத்து படக்குழு புலம்பி வருகிறார்களாம்.