பிரபல தயாரிப்பாளர் ராக்லைன் வெங்கடேஷ் மருத்துவமனையில் அனுமதி

பல வெற்றி திரைப்படங்களை தயாரித்தவர் ராக்லைன் வெங்கடேஷ். இவர் சூப்பர் ஸ்டார் ரஜினிகாந்த் நடித்த 'லிங்கா', சிம்பு நடித்த 'தம்', விக்ரம் நடித்த 'மஜா' ஆகிய தமிழ் படங்களையும் பல தெலுங்கு மற்றும் தென்னிந்திய படங்களையும் தயாரித்துள்ளார்.

இந்த நிலையில் ராக்லைன் வெங்கடேஷ் பெங்களூரில் உள்ள தனியார் மருத்துவமனை ஒன்றில் அனுமதிக்கப்பட்டு சிகிச்சை பெற்று வருவதாக செய்திகள் வெளியாகியுள்ளது. சமீபத்தில் கொரோனாவால் பாதிக்கப்பட்ட நடிகையும் அரசியல்வாதியுமான சுமலதாவை இவர் கடந்த சில நாட்களுக்கு முன் சந்தித்ததால் இவருக்கு கொரோனா தொற்று இருக்கலாம் என கூறப்படுகிறது.

இருப்பினும் ராக்லைன் வெங்கடேஷின் கொரோனா பரிசோதனை முடிவு இன்னும் வரவில்லை என்றும், பரிசோதனையின் முடிவுக்கு பின்னரே அவருக்கு அடுத்தகட்ட சிகிச்சை அளிக்க முடியும் என்றும் மருத்துவர்கள் கூறியுள்ளனர்.

தயாரிப்பாளர் ராக்லைன் வெங்கடேஷ் கடைசியாக கடந்த ஆண்டு ராதிகா பண்டிட் நடித்த 'ஆதிலட்சுமி பூரணா' என்ற தெலுங்கு படத்தை தயாரித்தார்.