லியோ படத்தில விஜய் பற்றிய இயக்குனர் லோகேஷ் தகவலால் ரசிகர்கள் உற்சாகம்

சென்னை: லியோ படத்தில் வேறு வித்தியாசமான விஜய்யை பார்க்கலாம் என்று இயக்குனர் லோகேஷ் தெரிவித்துள்ள தகவல்கள் ரசிகர்கள் மத்தியில் உற்சாகத்தை ஏற்படுத்தி உள்ளது.

லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள லியோ திரைப்படத்தின் டிரைலர் அக். 5ஆம் தேதி வெளியானது. டிரைலருக்கு ரசிகர்கள் மத்தியில் மிகப்பெரிய அளவில் வரவேற்பு கிடைத்துள்ளது. கவனம் ஈர்க்கும் சண்டைக்காட்சிகளையும் விஜய்யின் இரு வித்தியாசமான தோற்றத்தையும் ரசிகர்கள் கொண்டாடி வருகின்றனர். அதே நேரம் விஜய் பேசிய ஒரு வார்த்தையும் சர்ச்சையானது.

படத்தின் ரன்னிங் டைம் 2 மணி நேரம் 43 நிமிடம் இருக்குமென லோகேஷ் கூறியிருந்தார். மேலும், நேர்காணல் ஒன்றில், “ இதுவரை பார்க்காத முற்றிலும் மாறுபட்ட விஜய்யை இந்தப் படத்தில் பார்க்கலாம். ஒர் முக்கியமான 7 நிமிட காட்சியை ஒரே டேக்கில் முடித்து விட்டார். நாம் எதிர்பார்ப்பதை விடவும் சிறந்த நடிகர். அவரால் அன்றைய படப்பிடிப்பு விரைவிலேயே முடிந்து விட்டது.

அவருக்கான தீனியை நாம்தான் சரியாக போடாமல் இருக்கிறோம். அடுத்த முறையும் விஜய் அணணாவுடன் இணைந்தால் இதை விடவும் பர்பாமென்ஸ் செய்யும் கதையாகத்தான் இருக்கும்” எனக் கூறினார்.

லியோவில் த்ரிஷா, அர்ஜுன், கௌதம் மேனன், மிஷ்கின், சஞ்சய் தத் உள்ளிட்ட பல பிரபலங்கள் நடித்துள்ளதால் படத்தின் மீதான எதிர்பார்ப்பு அதிகரித்து உள்ளது. படம் வரும் 19ஆம் தேதி உலகம் முழுவதும் வெளியாக உள்ளது குறிப்பிடத்தக்கது.