பிச்சைக்காரன் -2 படத்தின் ரிலீஸ் தேதி மாற்றப்பட்டுள்ளதா?

சென்னை: பிச்சைக்காரன்-2 படம் மே 12ம் தேதிக்கு ஒத்தி வைக்கப்பட்டு உள்ளதாக செய்திகள் வெளியாகியுள்ளன.

விஜய் ஆண்டனி நடிப்பில் வெளியான பிச்சைக்காரன் திரைப்படம் மாபெரும் வெற்றி பெற்ற நிலையில், இப்படத்தின் இரண்டாம் பாகம் சில மாதங்களுக்கு முன் எடுக்கப்பட்டது.

படத்தின் அதிகாரப்பூர்வ வெளியீட்டை விஜய் ஆண்டனி தனது ட்விட்டர் பக்கத்தில் அறிவித்துள்ளார். பிச்சைக்காரன் 2 தமிழ் புத்தாண்டு விருந்தாக ஏப்ரல் 14ஆம் தேதி வெளியாகும் என அறிவிக்கப்பட்டது.

ஆனால் தற்போது இப்படம் மே 12ஆம் தேதிக்கு ஒத்திவைக்கப்பட்டுள்ளதாக செய்திகள் வெளியாகியுள்ளன. ஆனால் இதுகுறித்த அதிகாரப்பூர்வ தகவல் எதுவும் வெளியாகவில்லை என்பது குறிப்பிடத்தக்கது.