32 வருடங்கள் ஆகிறது என்பதை என்னால் நம்பவே முடியவில்லை... குஷ்பு டுவிட்

சென்னை: சின்னத்தம்பி படம் வெளிவந்து 32 வருடங்கள் ஆகிறது என்பதை என்னால் நம்பவே முடியவில்லை. என் மீது காட்டிய அன்புக்கு நான் என்றென்றும் கடமைப்பட்டிருக்கிறேன் என்று குஷ்பு ட்வீட் செய்துள்ளார்.

பிரபு மற்றும் குஷ்பு நடிப்பில் பி.வாசு இயக்கத்தில் 1991 ஆம் ஆண்டு வெளிவந்த திரைப்படம் சின்னதம்பி. இந்த படம் வெளியாகி இன்றுடன் 32 ஆண்டுகள் நிறைவடைகிறது. சின்னதம்பி அந்தக் காலகட்டத்தின் மிகப்பெரிய வெற்றிப்படமாக அமைந்தது.

கிட்டத்தட்ட ஒரு வருடத்துக்கும் மேலாக திரையரங்குகளில் ஓடியதாக கூறப்படுகிறது. தூலியிலே ஆட வந்த, போவோமா ஊர்கோலம் என இளையராஜா இசையில் இந்தப் படத்தின் பாடல்கள் இன்றுவரை கொண்டாடப்பட்டுவருகின்றன. இரவு குருட்டுத்தன்மையால் அவதிப்படும் கவுண்டமணியின் நகைச்சுவை காட்சிகள் இன்னும் ரசிகர்களுக்கு பிடித்தமானவை.

இந்த படம் குறித்து நடிகை குஷ்பு ட்வீட் செய்துள்ளார். அவரது பதிவில், இப்படம் வெளிவந்து 32 வருடங்கள் ஆகிறது என்பதை என்னால் நம்பவே முடியவில்லை. என் மீது காட்டிய அன்புக்கு நான் என்றென்றும் கடமைப்பட்டிருக்கிறேன். என் இதயம் எப்போதும் பி.வாசு சாருக்கும் பிரபு சாருக்கும் துடிக்கும்.

இந்தப் படத்துக்கு விறுவிறுப்பான பாடல்களைக் கொடுத்த இளையராஜா சாருக்கும், மறைந்த தயாரிப்பாளர் கே.பாலு சாருக்கும் என்றும் நன்றியுள்ளவனாக இருப்பேன். நந்தினியின் கதாபாத்திரம் அனைவரது மனதிலும் நிரந்தரமாக பதிந்துவிட்டது என்று குறிப்பிட்டார். இதையடுத்து ரசிகர்களும் இப்படம் குறித்த ஏக்கத்தை பகிர்ந்து வருகின்றனர்.