நடிகர் விஜய்யின் அடுத்த படத்தை இயக்குகிறாரா வெங்கட் பிரபு?

சென்னை: நடிகர் விஜய்யின் அடுத்த படத்தை இயக்குநர் வெங்கட் பிரபு இணைந்துள்ளார்.

தமிழ் சினிமாவில் முன்னணி நடிகராக இருக்கும் விஜய் படங்களுக்கு மக்கள் மத்தியில் பெரிய எதிர்பார்ப்பு இருக்கிறது. தற்போது அவரது 67வது படமான ‘லியோ’ படத்தில் இயக்குநர் லோகேஷ் கனகராஜ் படத்தில் நடித்து வருகிறார்.

இந்தப் படத்திற்கு அடுத்து தளபதி 68 படத்தினை இயக்கப்போவது யாரென ரசிகர்கள் ஆவலாக இருக்கின்றனர். இந்தப் படத்தினை பிரபல தெலுங்கு இயக்குநர் வீரசிம்ஹ ரெட்டி படத்தின் இயக்குநர் இயக்க உள்ளதாகவும் தகவல் வெளியானது.

ஏற்கனவே இந்தப் படத்தை அட்லி இயக்க உள்ளதாக தகவல் வெளியான நிலையில் கார்த்திக் சுப்பராஜ் விஜய்யுடன் இருக்கும் புகைப்படங்கள் சமீபத்தில் இணையத்தில் வைரலாகி வருகிறது. அட்லி, கோபிசந்த் மலினேனி, கார்த்திக் சுப்புராஜ் இந்த போட்டியில் உள்ளதாக தகவல்கள் தெரிவிக்கின்றன.

ஆனால் இந்தப் படத்தினை சூப்பர் குட் ஃபிலிம்ஸ் சார்பாக நடிகர் ஜீவா தயாரிப்பார் எனவும் இது அவர்களது தயாரிப்பில் 100வது படமாக இருக்குமெனவும் அவர் மேடையில் பேசிய சில காணொளிகள் இணையத்தில் வைரலானது.

இந்நிலையில் இந்த வரிசையில் இயக்குநர் வெங்கட் பிரபு இணைந்துள்ளார். ஏஜிஎஸ் தயாரிப்பில் யுவன் இசையமைக்க வெங்கட் பிரபு இயக்க உள்ளதாக தகவல் வெளியாகியுள்ளது. இதனால் ட்விட்டரில் ‘தளபதி 68’ ஹேஷ்டேக் டிரெண்டிங்கில் உள்ளது.