‘ஜெயிலர்’ படம் வெளியான முதல் நாளில் இத்தனை கோடி வசூலாம்

வசூலில் ‘PS 2' சாதனையை முறியடித்த ‘ஜெயிலர்’ .. ரஜினிகாந்த் நடித்துள்ள ‘ஜெயிலர்’ படம் இந்தியா முழுவதும் ரூ.52 கோடி வசூல் ...நெல்சன் திலீப்குமார் இயக்கத்தில் ரஜினி நடித்துள்ள படம் ‘ஜெயிலர்’. தமன்னா, ரம்யாகிருஷ்ணன், சிவராஜ்குமார், மோகன்லால், சுனில், ஜாக்கி ஷெராஃப் உள்ளிட்ட பலர் நடித்துள்ளார்கள்,

இதனை அடுத்து இப்படத்துக்கு அனிருத் இசையமைத்துள்ளார். பான் இந்தியா முறையில் உருவாகும் இப்படத்தை சன் பிக்சர்ஸ் நிறுவனம் தயாரித்துள்ளது. இந்த படம் நேற்று (ஆகஸ்ட் 10) திரையரங்குகளில் வெளியானது.

இந்நிலையில், இப்படம் வெளியான முதல் நாளில் இந்தியா முழுவதும் ரூ.52 கோடி வசூலித்து உள்ளதாக தகவல் வெளியாகியுள்ளது. இதில் தமிழகத்தில் ரூ.23 கோடி வசூல் ஆகியுள்ளதாகக் கூறப்படுகிறது. கர்நாடகாவில் ரூ.11 கோடி, ஆந்திரா மற்றும் தெலங்கானாவில் ரூ.10 கோடி, கேரளாவில் ரூ.5 கோடி, மற்ற மாநிலங்களில் ரூ. 3 கோடி இந்த படம் வசூலித்து உள்ளது.

எனவே இதன் மூலம் ‘பொன்னியின் செல்வன் 2’ படத்தின் வசூலை (ரூ.32 கோடி) ‘ஜெயிலர்’ முறியடித்துள்ளது. தமிழ்நாடு மற்றும் கேரளாவில் 2023-ஆம் ஆண்டு இதுவரை வெளியான படங்களில் ‘ஜெயிலர்’ அதிகம் வசூலித்துள்ளதாக தகவல் ஒன்று வெளியாகியுள்ளது.