ஜெயிலர் படத்தின் மூன்றாவது பாடலான ரத்தமாரே பாடல் வெளியானது

சென்னை: அடுத்த பாடல் வெளியீடு... 'ஜெயிலர்' படத்தின் 'ரத்தமாரே' என்கிற பாடலை படக்குழு வெளியிட்டுள்ளது.

நெல்சன் இயக்கத்தில் நடிகர் ரஜினிகாந்த் ஜெயிலர் படத்தில் நடித்து முடித்துள்ளார். இதில் தமன்னா, ரம்யா கிருஷ்ணன், யோகி பாபு, விநாயகன், மற்றும் சிவராஜ்குமார் வில்லனாகவும் மோகன் லால் சிறப்பு கதாபாத்திரத்திலும் நடித்துள்ளனர். சன் பிக்சர்ஸ் நிறுவனம் தயாரிக்கும் ஜெயிலர் படத்துக்கு அனிருத் இசையமைக்கிறார்.

இப்படம் ஆகஸ்ட் 10-ஆம் தேதி திரைக்கு வரவிருக்கிறது. இந்தப் படத்தின் இசை வெளியீட்டு விழா கடந்த வாரம் சென்னை நேரு உள்விளையாட்டு அரங்கில் மிக பிரம்மாண்டமாக நடைபெற்றது.

கிட்டத்தட்ட 2 ஆண்டுகளுக்குப் பிறகு ரஜினி நடித்த படம் திரையரங்குகளில் வெளியாக இருப்பதால் அவரது ரசிகர்கள் தற்போதே கொண்டாட்ட மனநிலையில் உள்ளனர்.
இந்நிலையில் ஜெயிலர் படத்தில் இடம்பெற்றுள்ள ரத்தமாரே என்கிற பாடலை படக்குழு வெளியிட்டுள்ளது. இதனை இணையவாசிகள் ட்ரெண்ட் செய்து வருகின்றனர்.

முன்னதாக இப்படத்தில் இருந்து முதல் பாடலாக வெளியான காவாலா பாடல் வெளியாகிய 3 வாரங்களில் 10 கோடி பார்வைகளைக் கடந்து சாதனை படைத்திருப்பது குறிப்பிடத்தக்கது