ரசிகர்களுக்கு ஜூனியர் என்டிஆர் விடுத்த வேண்டுகோள்

ஹைதராபாத்: அப்டேட்களை கேட்க வேண்டாம், அழுத்தம் உள்ளது என ரசிகர்களுக்கு ஜூனியர் என்டிஆர் வேண்டுகோள் விடுத்துள்ளார். அதாவது ரசிகர்களின் ட்ரோல் செய்யும் போக்கு அதிகரித்து வருவதால் அவர் இவ்வாறு தெரிவித்துள்ளார்.

முன்னணி ஹீரோக்கள் ஒரு படத்தின் படப்பிடிப்பைத் தொடங்கும் போது, அப்படத்தின் அப்டேட்டுகளுக்காக ரசிகர்கள் சமூக வலைதளங்களில் ட்ரோல் செய்யும் போக்கு அதிகரித்து வருகிறது.

அஜித்தின் வலிமை படத்தின் நிகழ்ச்சியில் கலந்து கொள்ள பிரதமர் வந்தபோது, கிரிக்கெட் போட்டி நடந்த மைதானத்தில் அப்டேட் கேட்டு ரசிகர்கள் முண்டியடித்தனர். இது போன்ற அப்டேட்களை கேட்க வேண்டாம் என்றும் அஜித் ரசிகர்களுக்கு அறிவுரை வழங்கினார்.

ஜூனியர் என்டிஆர் தெலுங்கு பட விழா ஒன்றில் கலந்து கொண்டார். அவர் கூறியதாவது: ஒரு படம் தொடங்கும் போது அப்டேட்களை கேட்காதீர்கள். ஒவ்வொரு நாளும் படத்திற்கு அப்டேட் தர முடியாது. ட்ரோல் தயாரிப்பாளர், இயக்குனர் மற்றும் சம்பந்தப்பட்ட ஹீரோ மீது அழுத்தத்தை ஏற்படுத்துகிறது. வேலையில் கவனம் செலுத்த முடியாத நிலை ஏற்படுகிறது.

அப்படி ஒரு அப்டேட் கொடுத்தால், பிடிக்கவில்லை என்றால் ட்ரோல் செய்கிறீர்கள். அதுவும் எங்களுக்கு அழுத்தம் தருகிறது. ஒரு படத்தைப் பற்றிய தகவல்களை மனைவியிடம் கூட பகிர்ந்து கொள்ள மாட்டோம். முதலில் உங்களுக்கு (ரசிகர்களுக்கு) சொல்கிறோம். எனவே பொறுமையாக இருங்கள். இவ்வாறு ஜூனியர் என்டிஆர் கூறினார்