ஓடிடியில் வெளியாகி வசூல் சாதனை படைத்த க/பெ ரணசிங்கம்!

விருமாண்டி இயக்கத்தில், மக்கள் செல்வன் விஜய் சேதுபதி, ஐஸ்வர்யா ராஜேஷ் நடிப்பில் உருவான 'க/பெ ரணசிங்கம்' என்ற திரைப்படம் கடந்த 2ஆம் தேதி ஓடிடியில் வெளியானது. இதுவரை ஓடிடியில் வெளியான பெரும்பாலான படங்கள் மக்களின் வரவேற்பை பெறாத நிலையில் முதல் முதலாக விஜய் சேதுபதியின் 'க/பெ ரணசிங்கம்' திரைப்படம் நல்ல வரவேற்பை பெற்றுள்ளது.

இந்த படத்திற்கு ரசிகர்களின் பாசிட்டிவ் விமர்சனங்கள் கிடைத்ததை அடுத்து இந்த படத்தை ஓடிடியில் பணம் செலுத்தி பார்ப்பதற்காக அதிக அளவிலான பொதுமக்கள் ஆர்வத்துடன் முன்வந்தனர். கடந்த 5 நாட்களில் மட்டும் இதுவரை 4.7 லட்சம் பேர் ஓடிடியில் பணம் செலுத்தி இந்த படத்தை பார்த்து உள்ளனர்.

படத்தை பார்த்த ஒவ்வொருவரும் ரூபாய் 199 செலுத்தி உள்ளதால் இதுவரை கிட்டத்தட்ட ரூபாய் 10 கோடி வசூல் செய்துள்ளதாகவும் தகவல்கள் வெளிவந்துள்ளன. இன்னும் இந்த திரைப்படத்தை பார்ப்பவர்களின் எண்ணிக்கை அதிகரித்துக்கொண்டே இருப்பதால் வசூலில் எண்ணிக்கையும் அதிகமாகும் என்று எதிர்பார்க்கப்படுகிறது.

முதன்முதலாக ஒரு மாஸ் நடிகரின் திரைப்படம் ஓடிடியில் வெளியாகி அந்த படம் நல்ல வசூலை பெற்று இருப்பது இடையே ஓடிடி வசூல் குறித்து ஒரு நம்பிக்கையை ஏற்படுத்தியுள்ளது. இதேபோல் வரும் 30ஆம் தேதி வெளியாகும் சூர்யாவின் 'சூரரைப்போற்று' திரைப்படமும் நல்ல வசூலை குவிக்கும் என்று எதிர்பார்க்கப்படுகிறது.