இயக்குனர் மித்ரன் இயக்கும் படத்தில் நடிக்கிறார் கார்த்தி

இரும்புத்திரை பட இயக்குநர் மித்ரன் இயக்கும் படத்தில் நடிகர் கார்த்தி நடிக்கிறார் என்பதை அதிகாரப்பூர்வமாக அறிவித்துள்ளனர்.

ரெமோ' பட இயக்குநர் பாக்யராஜ் கண்ணன் இயக்கத்தில் 'சுல்தான்' படத்தில் நடித்து முடித்திருக்கிறார் கார்த்தி. இப்படத்தின் படப்பிடிப்பு முடிந்து தற்போது போஸ்ட் புரொடக்‌ஷன் பணிகளமும்முரமாக நடைபெற்று வருகின்றன.

இதனிடையே 'சுல்தான்' திரைப்படத்தின் ஃபர்ஸ்ட் லுக் போஸ்டர் வெளியாகி ரசிகர்களிடையே நல்ல வரவேற்பைப் பெற்றது. மேலும் படத்தை பொங்கலுக்கு ரிலீஸ் செய்ய படக்குழு திட்டமிட்டிருப்பதாகவும் கூறப்படுகிறது.

இந்நிலையில் அடுத்ததாக இரும்புத்திரை பட இயக்குநர் பி.எஸ்.மித்ரன் இயக்கத்தில் நடிக்கிறார் கார்த்தி. பிரின்ஸ் பிக்சர்ஸ் தயாரிக்கும் இந்தப் படத்துக்கு ஜி.வி.பிரகாஷ் இசையமைக்கிறார். தீபாவளியை முன்னிட்டு இந்த அறிவிப்பை இப்படக்குழுவினர் இன்று வெளியிட்டுள்ளனர்.

மேலும் இந்தப் படத்தில் நடிக்கும் மற்ற நடிகர்களின் விவரம் விரைவில் வெளியாகும் என்று எதிர்பார்க்கப்படுகிறது.