ஆருத்ரா வழக்கில் நடிகர் ஆர்.கே.சுரேசுக்கு லுக்அவுட் நோட்டீஸ்

சென்னை: ஆருத்ரா வழக்கில் நடிகர் ஆர்.கே.சுரேஷ் தொடர்பாக அனைத்து விமான நிலையங்களுக்கும் பொருளாதார குற்றப்பிரிவு போலீசார் லுக்அவுட் நோட்டீஸ் அனுப்பியுள்ளனர்.

சென்னையை தலைமையிடமாகக் கொண்டு இயங்கி வந்த ஆருத்ரா கோல்டு ஃபைனான்சியல் நிறுவனம், முதலீட்டாளர்களிடம் ரூ.2,438 கோடி மோசடி செய்ததாக செல்வக் குற்றப் பிரிவு போலீஸார் விசாரணை நடத்தினர்.

இந்த வழக்கில் ஆர்.கே.சுரேஷ், ஆருத்ரா நிறுவன இயக்குநர் உள்பட 13 பேரை பொருளாதார குற்றப்பிரிவு கைது செய்து பல கோடி ரூபாய் மதிப்பிலான சொத்துகளை முடக்கியுள்ளது.

இது தொடர்பாக செய்தியாளர்களிடம் பேசிய பொருளாதார குற்றப்பிரிவு ஐ.ஜி. ஆருத்ரா நிதி நிறுவன மோசடி வழக்கில் இதுவரை ரூ.6.35 கோடி ரொக்கம், ரூ.1.13 கோடி மதிப்புள்ள தங்கம், வெள்ளி பொருட்கள், 22 கார்கள் பறிமுதல் செய்யப்பட்டுள்ளதாக ஆசையம்மாள் தெரிவித்தார்.

இந்த வழக்கில் தொடர்புடையதாக கூறப்படும் நடிகர் ஆர்.கே.சுரேஷ் துபாயில் இருப்பதாக தகவல் வெளியாகியுள்ளது. ஆர்.கே.சுரேஷ் இந்த வழக்கில் கைதான இடைத்தரகர் ரூசோ அளித்த வாக்குமூலத்தின் அடிப்படையில் நடிகர் ஆர்.கே.சுரேஷ் தொடர்பாக அனைத்து விமான நிலையங்களுக்கும் பொருளாதார குற்றப்பிரிவு போலீசார் லுக்அவுட் நோட்டீஸ் அனுப்பியுள்ளனர்.