- வீடு›
- பொழுதுபோக்கு›
- தெலுங்கிலும் லவ்டுடே திரைப்படம் வசூல் வேட்டையாம்
தெலுங்கிலும் லவ்டுடே திரைப்படம் வசூல் வேட்டையாம்
By: Nagaraj Sat, 26 Nov 2022 9:54:47 PM
சென்னை:‘லவ் டுடே’ திரைப்படம் தெலுங்கில் டப் செய்யப்பட்டு திரையரங்குகளில் வெளியாகியுள்ளது. அங்கும் ரசிகர்களின் அமோக வரவேற்பை பெற்றுள்ளது இந்த படம்.
கோமாளி திரைப்பட இயக்குநர் பிரதீப் ரங்கநாதன் இயக்கத்திலும், நடிப்பிலும் வெளிவந்த திரைப்படம்தான், லவ் டுடே. ஏஜிஎஸ் நிறுவனம் தயாரிக்க, யுவன் சங்கர் ராஜா இசையமைத்திருந்த இத்திரைப்படம் இளைஞர்களிடையே சக்கை போடு போட்டு வருகிறது. பெருமளவு வசூல் வேட்டையையும் இத்திரைப்படம் நிகழ்த்தி வருகிறது.
லவ் டுடே திரைப்படத்தின் வெற்றி குறித்து , பல திரைப்பிரபலங்களும் தங்களது நேர்மறை கருத்துகளை தெரிவித்து வருகின்றனர். சமீபத்தில் கூட பிரபல இயக்குநர் வசந்தபாலன் இது போன்ற திரைப்படங்களின் வெற்றி நம்பிக்கையைத் தருவதாக கூறியிருந்தார்.
இதைத்தொடர்ந்து, யாரும் எதிர்பாராவிதமாக ‘லவ் டுடே’ திரைப்படம் டப்
செய்யப்பட்டு தெலுங்கிலும் வெளியாகும் என அறிவிக்கப்பட்டது. அதன்படி,
தெலுங்கில் லவ்டுடே திரைப்படம் வெளியாகியுள்ளது. தெலுங்கானா, ஆந்திர
மாநிலங்களில் லவ்டுடே வெளியாகி ரசிகர்கள் மத்தியில் செம வரவேற்பை
பெற்றுள்ளது.
மேலும், நடிகர் விஜய்யின் வாரிசு
திரைப்படத்தை தயாரித்துக்கொண்டிருக்கும் தயாரிப்பாளர் தில் ராஜூவின்
நிறுவனம்தான் தெலுங்கில் ‘லவ்-டுடே’ திரைப்படத்தை வெளியிட்டுள்ளது.