- வீடு›
- பொழுதுபோக்கு›
- மாதவன் நடித்துள்ள மாறா படம் ஓடிடியில் ரிலீஸ்
மாதவன் நடித்துள்ள மாறா படம் ஓடிடியில் ரிலீஸ்
By: Monisha Sat, 10 Oct 2020 6:00:33 PM
கொரோனா ஊரடங்கு காரணமாக திரையரங்குகள் மூடப்பட்டுள்ளதால் புதிய படங்களை ஓ.டி.டி.யில் ரிலீஸ் செய்யுது வருகின்றனர். விஜய்சேதுபதியின் க.பெ.ரணசிங்கம், ஜோதிகாவின் பொன்மகள் வந்தாள், அனுஷ்காவின் சைலன்ஸ், கீர்த்தி சுரேசின் பெண்குயின், வரலட்சுமி நடித்துள்ள டேனி உள்ளிட்ட படங்கள் ஓ.டி.டியில் வந்தன. சூர்யா நடித்துள்ள சூரரை போற்று வருகிற 30-ந்தேதி ஓ.டி.டியில் வருகிறது.
தீபாவளி பண்டிகையில் விஷாலின் சக்ரா, சிவகார்த்திகேயன் நடித்துள்ள டாக்டர், நயன்தாரா நடித்துள்ள மூக்குத்தி அம்மன் ஆகிய படங்களையும் ஓ.டி.டி தளத்தில் வெளியிட பேச்சுவார்த்தைகள் நடக்கின்றன.
இந்த நிலையில் மாதவன் நடித்துள்ள மாறா படம் ஓடிடியில் ரிலீசாக உள்ளதாக அதிகாரபூர்வமாக அறிவிக்கப்பட்டு உள்ளது.
இந்த படத்தில் நாயகியாக ஸ்ரத்தா ஸ்ரீநாத் நடித்துள்ளார். திலீப் குமார் இயக்கி உள்ளார். மலையாளத்தில் துல்கர் சல்மான், பார்வதி நடித்து 2015-ல் திரைக்கு வந்த சார்லி படத்தின் தமிழ் ரீமேக்காக உருவாகி உள்ளது. மேலும் மாதவன் நடித்து இயக்கிய ராக்கெட்ரி படத்தையும் ஓ.டி.டி.யில் வெளியிட பேச்சுவார்த்தை நடக்கிறது.