- வீடு›
- பொழுதுபோக்கு›
- ஹாலிவுட்டில் சாக்சி அகர்வால்... டிரெய்லரை வெளியிட்ட பாரதிராஜா!
ஹாலிவுட்டில் சாக்சி அகர்வால்... டிரெய்லரை வெளியிட்ட பாரதிராஜா!
By: Monisha Thu, 12 Nov 2020 4:46:31 PM
பிக்பாஸ் புகழ் சாக்சி அகர்வால் ஹாலிவுட் படம் ஒன்றில் நடித்து வரும் நிலையில் அவருக்கு ஆசி வழங்கிய இயக்குனர் இமயம் பாரதிராஜா, இந்த படத்தின் டிரைலரை ரிலீஸ் செய்துள்ளார்.
பலரின் பாராட்டை பெற்ற 'வல்லதேசம்' படத்தை இயக்கியவர் இயக்குனர் N.T.நந்தா. தற்போது 120 hours என்ற ஹாலிவுட் படத்தை இயக்கியுள்ளார். இந்த படத்தின் டிரெய்லரை இயக்குநர் இமயம் பாரதிராஜா வெளியிட்டு, நந்தாவிற்கு ஆசி வழங்கியுள்ளார்.
அவர் தனது வாழ்த்து செய்தியில், "உலக சினிமாக்களைப் பார்த்து வியக்கும் தமிழர்கள், உலக சினிமாக்களையே இப்போது இயக்கிக்கொண்டிருக்கிறார்கள். இயக்குனர் N.T.நந்தா ஹாலிவுட்டில் வெற்றி இயக்குநராக வலம் வரவேண்டுமென்று வாழ்த்துகிறேன்" என்று கூறியுள்ளார்.
மேலும் இயக்குனர் நந்தா டிரெய்லரில் மிரட்டியிருக்கிறார் என்று புகழ்ந்த பாரதிராஜா இந்த படத்தில் நடித்துள்ள பிக்பாஸ் புகழ் சாக்சிஅகர்வால் மற்றும் பிரணய் காளியப்பன் ஆகியோர்களுக்கும் ஆசி வழங்கியுள்ளார்.
மேலும் இந்த படம் குறித்து பாரதிராஜா கூறியபோது, "பாலிவுட்டில் இருப்பவர்கள் மட்டும்தான், ஹாலிவுட்டை கலக்க முடியும் என்ற விதியை மாற்றி, சாக்சி அகர்வாலின் நடிப்பின் அசாத்தியமான திறமையைப் பார்த்த நந்தா அவரை ஹாலிவுட்டில் அறிமுகம் செய்திருக்கிறார். சாக்ஷி அகர்வாலின் இந்த அறிமுகம், அவரை சினிமாவின் அடுத்த தளத்திற்கு கொண்டு போகுமென அவர் நம்புகிறார்" என்று கூறியுள்ளார்.
மேலும் இந்த படத்தில் பால் டெர்ரி, சீன் க்ரோனின், உள்பட பல ஹாலிவுட் நட்சத்திரங்கள் பணிபுரிந்துள்ளனர்.