வெப் சீரிஸ் மூலம் இயக்குனராக அறிமுகமாக உள்ள ஷாருக்கான் மகன்

மும்பை: இயக்குனராகும் ஆர்யன் கான்... பாலிவுட் நடிகர் ஷாருக்கானின் மகன் ஆர்யன் கான் நெட்பிளிக்ஸ் தயாரித்த ‘ஸ்டார்டம்’ என்ற வெப் சீரிஸ் மூலம் இயக்குநராக அறிமுகமாகிறார்.

ஷாருக்கானின் மூத்த மகன் ஆர்யன் கான் மார்ச் 2021 இல் போதைப்பொருள் கட்டுப்பாட்டுப் பிரிவினரால் கைது செய்யப்பட்டார். மும்பையிலிருந்து கோவாவிற்கு சொகுசுக் கப்பலில் போதைப்பொருள் பயன்படுத்தியதாக அவர் மீது வழக்குப் பதிவு செய்யப்பட்டது. இந்த வழக்கில், ஆர்யன் கானின் போதைப்பொருள் பயன்பாடு தொடர்பாக போதிய ஆதாரம் இல்லை என்று கூறி நீதிமன்றம் அவரை விடுதலை செய்தது.

அதன் பிறகு ஆர்யன் கான் நீண்ட நேரம் பொது நிகழ்ச்சிகளில் கலந்து கொள்வதை தவிர்த்து வந்தார். இவர் விரைவில் பாலிவுட்டில் ஹீரோவாக அறிமுகமாகவுள்ளதாக அவ்வப்போது செய்திகள் வெளியாகின. ஆனால் ஆர்யனுக்கு நடிப்பில் ஆர்வம் இல்லை என்று ஷாருக்கான் பல பேட்டிகளில் தெளிவுபடுத்தினார்.

இதற்கிடையில், நெட்ஃபிக்ஸ் தயாரிக்கும் தொடரை இயக்கும் வாய்ப்பு ஆர்யன் கானுக்கு கிடைத்துள்ளது. இந்தத் தொடருக்கு ‘ஸ்டார்டம்’ என்று தலைப்பு வைக்கப்பட்டுள்ளது. பாலிவுட் திரையுலகின் பின்னணியில் நடக்கும் சம்பவங்களை அடிப்படையாக வைத்து கதை உருவாகி வருவதாக கூறப்படுகிறது. இந்தத் தொடரை ஷாருக்கானின் ரெட் சில்லிஸ் நிறுவனம் நெட்ஃபிக்ஸ் நிறுவனத்துடன் இணைந்து தயாரித்துள்ளது.