- வீடு›
- பொழுதுபோக்கு›
- டி.இமான் நடிகர் சிவகார்த்திகேயன் குறித்து சில தகவல் பகிர்வு
டி.இமான் நடிகர் சிவகார்த்திகேயன் குறித்து சில தகவல் பகிர்வு
By: vaithegi Tue, 17 Oct 2023 11:40:01 AM
டி.இமான் குற்றச்சாட்டு ... தனியார் யூடியூப் சேனல் ஒன்றுக்கு பேட்டியளித்து உள்ள இசையமைப்பாளர் டி.இமான் நடிகர் சிவகார்த்திகேயன் குறித்து சில தகவல்களைப் பகிர்ந்துள்ளார். அதில் அவர் கூறியிருப்பதாவது: “தனிப்பட்ட காரணங்களால் இந்த ஜென்மத்தில் சிவகார்த்திகேயனுடன் சேர்ந்து பயணிப்பது கடினம்.
மேலும் அவர் எனக்கு செய்தது ஒரு மிகப்பெரிய துரோகம். அதை என்னால் வெளியே சொல்ல முடியாது. எனவே எதிர்காலத்தில் அவருடன் சேர்ந்து பயணிக்க இயலாது. ஒருவேளை அடுத்த ஜென்மத்தில் நானும் இசையமைப்பாளராக இருந்து,
அவரும் நடிகராக இருந்தால் நடக்க வாய்ப்புள்ளது. இது நான் மிகவும் கவனத்துடன் எடுத்த முடிவு ஆகும் . அந்த துரோகத்தை நான் மிகவும் தாமதமாகத்தான் புரிந்து கொண்டேன். இதனை அடுத்து இது குறித்து அவரிடம் நேரடியாகவே கேட்டுவிட்டேன்.
ஆனால் இப்பொது அதற்கான அவரது பதிலை என்னால் சொல்லமுடியாது” இவ்வாறு டி.இமான் கூறியுள்ளார்.‘சீமராஜா’ படத்துக்குப் பிறகு சிவகார்த்திகேயன் - டி.இமான் கூட்டணி மீண்டும் இணையவில்லை என்பது குறிப்பிடத்தக்கது.