தமிழ் திரைப்பட நடப்பு தயாரிப்பாளர் சங்கத்தின் நிர்வாகிகள் தேர்வு

சமீபத்தில் தமிழ் திரைப்பட நடப்பு தயாரிப்பாளர் சங்கம் என்ற புதிய தயாரிப்பாளர் சங்கம் இயக்குனர் பாரதிராஜாவின் முயற்சியால் தொடங்கப்பட்டது. இந்த நிலையில் இந்த சங்கம் இன்று முதல் சென்னை அண்ணா சாலையில் உள்ள புதிய அலுவலகத்தில் இயங்க இருக்கிறது.

இதனை அடுத்து தற்போது தமிழ் திரைப்பட நடப்பு தயாரிப்பாளர் சங்கத்தின் நிர்வாகிகள் குறித்த தகவல்கள் வெளிவந்துள்ளன. இந்த சங்கத்தின் தலைவராக பாரதிராஜா அவர்களும், பொதுச்செயலாளராக டி சிவா அவர்களும், பொருளாளராக தியாகராஜன் அவர்களும் தேர்வு செய்யப்பட்டுள்ளனர்.

மேலும் துணை தலைவர்களாக தனஞ்செயன் மற்றும் எஸ்ஆர் பிரபு ஆகியோர்களும் இணைச் செயலாளர்களாக லலித் குமார் மற்றும் சுரேஷ் காமாட்சி ஆகியோர்களும் நியமனம் செய்யப்பட்டுள்ளனர்.

மேலும் செயற்குழு உறுப்பினர்களாக, நந்தகோபால், மதன்குமார், ராஜசேகர், டில்லிபாபு, கார்த்திகேயன் சந்தானம், ஆர் கண்ணன், சுந்தரம், விஜய ராகவேந்திரா, கார்த்திகேயன், நிதின் சத்யா ஆகியோர் நியமனம் செய்யப்பட்டுள்ளனர் என்பது குறிப்பிடத்தக்கது.