மாமன்னனை வெற்றி பெற அனைவருக்கும் நன்றி: உதயநிதி ஸ்டாலின் டுவிட்

சென்னை: மாமன்னனை வெற்றி பெறச் செய்த மக்களுக்கு உதயநிதி ஸ்டாலின் நன்றி தெரிவித்துள்ளார்.

மாரி செல்வராஜ் இயக்கத்தில் உதயநிதி ஸ்டாலின், வடிவேலு, ஃபகத் பாசில், கீர்த்தி சுரேஷ் மற்றும் பலர் நடித்துள்ள ‘மாமன்னன்’ திரைப்படம் கடந்த 29ஆம் தேதி திரைக்கு வந்தது. பலராலும் பாராட்டப்பட்ட இப்படம் விமர்சன ரீதியாகவும், நிதி ரீதியாகவும் நல்ல விமர்சனங்களைப் பெற்று வருகிறது.

படத்தின் வெற்றிக்காக இயக்குனர் மாரி செல்வராஜுக்கு ரெட் ஜெயண்ட் மூவிஸ் மினி கூப்பர் காரை பரிசாக அளித்துள்ளது. ரஜினி, தனுஷ், பா.இரஞ்சித், விக்னேஷ் சிவன் என திரையுலக பிரபலங்கள், அரசியல் தலைவர்கள் பலரும் படத்திற்கு வாழ்த்து தெரிவித்துள்ளனர்.

இந்நிலையில், மாமன்னனை வெற்றி பெறச் செய்த மக்களுக்கு உதயநிதி ஸ்டாலின் நன்றி தெரிவித்துள்ளார். இது குறித்து அவர் வெளியிட்டுள்ள ட்விட்டர் பதிவில், வெளியான இரண்டாவது வாரத்தில் தமிழகத்தில் 465க்கும் மேற்பட்ட திரையரங்குகளிலும், இந்தியா முழுவதும் 250க்கும் மேற்பட்ட திரையரங்குகளிலும் வெற்றிகரமாக ஓடிக்கொண்டிருக்கிறது மாமன்னன்.

இந்த படத்தை மெகா பிளாக்பஸ்டராகக் கொண்டாடும் மக்களின் பெருந்தன்மைக்கு எங்கள் அன்பும் நன்றியும், என தெரிவித்துள்ளார்.