ரஜினிகாந்தின் புதிய படத்தின் படப்பிடிப்பு இன்று தொடக்கம்

சென்னை: ரஜினிகாந்த் நடிக்கும் 'தலைவர் 170' திரைப்படத்தின் படப்பிடிப்பு இன்று தொடக்கம்

இயக்குனர் ஞானவேல் இயக்கத்தில் ரஜினி புதிய படம் ஒன்றில் நடிக்கிறார். இப்படத்திற்கு தற்காலிகமாக 'தலைவர் 170' என படக்குழு பெயர் வைத்துள்ளது. லைகா நிறுவனம் தயாரிக்கும் இப்படத்திற்கு அனிருத் இசையமைக்கிறார்.

பகத் பாசில், ரித்திகா சிங், துஷாரா விஜயன், மஞ்சு வாரியர், ராணா டகுபதி முக்கிய கதாபாத்திரத்தில் நடிக்கவுள்ளதாக படக்குழு அறிவித்திருந்தது. ரஜினி நடிப்பில் சமீபத்தில் வெளியான 'ஜெயிலர்' திரைப்படம் பெரும் வெற்றியை பெற்றது. தொடர்ந்து 'தலைவர் 170' திரைப்படத்திலும் திரைப்பிரபலங்கள் பலர் இணைந்துள்ளதால் ரசிகர்கள் மத்தியில் எதிர்பார்ப்பு அதிகரித்துள்ளது.

இந்நிலையில் இப்படத்தின் படப்பிடிப்பு இன்று தொடங்கும் என்று படத்தின் தயாரிப்பு நிறுவனமான லைக்கா புரொடக்சன் அறிவித்தது. இதற்கான சிறப்பு போஸ்டரையும் வெளியிட்டுள்ளது.