Advertisement

பிரபுதேவாவின் 'பஹீரா' திரைப்படத்தின் டிரைலர் வெளியாகியுள்ளது

By: vaithegi Mon, 27 Feb 2023 10:04:18 AM

பிரபுதேவாவின் 'பஹீரா' திரைப்படத்தின் டிரைலர் வெளியாகியுள்ளது

டிரைலர் வெளியீடு ... இயக்குனர் ஆதிக் ரவிச்சந்திரன் இயக்கத்தில் பிரபுதேவா நடித்துள்ள திரைப்படம் 'பஹீரா'. சைக்கலாஜிக்கல் திரில்லராக உருவாகியுள்ள இப்படத்தில் அமைரா தஸ்தூர், ரம்யா நம்பீசன், ஜனனி ஐயர், சஞ்சிதா ஷெட்டி, காயத்ரி சங்கர், சாக்ஷி அகர்வால், சோனியா அகர்வால் போன்றோர் முக்கிய கதாபாத்திரங்களில் நடித்துள்ளனர்.

அபிநந்தன் ராமானுஜன் ஒளிப்பதிவு செய்துள்ள இப்படத்திற்கு கணேசன் சேகர் இசையமைத்துள்ளார். பிரபுதேவா பல வேடங்களில் நடித்துள்ள 'பஹீரா' படத்தின் டிரைலர் 2021-ம் ஆண்டு வெளியானது. இப்படம் கடந்த ஆண்டு வெளியாகும் என அறிவிக்கப்பட்டிருந்த நிலையில் பின்னர் ஒத்தி வைக்கப்பட்டது.

இதையடுத்து சில தினங்களுக்கு முன்பு இப்படம் வருகிற மார்ச் மாதம் 3-ந்தேதி வெளியாகும் என்று அறிவிக்கப்பட்டது. இந்நிலையில் 'பஹீரா' படத்தின் புதிய டிரைலரை படக்குழு வெளியிட்டுள்ளது.

இந்த டிரைலரை நடிகர் விஷால் தன்னுடைய சமூக வலைதள பக்கத்தில் வெளியிட்டார். இதனை அடுத்து இந்த டிரைலர் தற்போது இணையத்தில் வைரலாகி கொண்டு வருகிறது.

Tags :