மின்னல்வேக மனிதர் உசேன் போல்ட் தந்தையானார்!

மின்னல்வேக மனிதர் என அழைக்கப்படும் ஜமைக்காவின் உசேன் போல்ட் தடகள உலகில் 10 ஆண்டுகள் கொடி கட்டி பறந்தவர். இவர் 100 மீட்டர் ஓட்டத்தில் 9.58 வினாடிகளில் இலக்கை கடந்து உலக சாதனை படைத்தவர். ஒலிம்பிக்கில் 8 தங்கப்பதக்கமும், உலக தடகளத்தில் 11 தங்கமும் கைப்பற்றி வரலாறு படைத்த உசேன் போல்ட் 2017-ம் ஆண்டில் விளையாட்டில் இருந்து ஓய்வு பெற்றார்.

33 வயதான உசேன் போல்ட், தனது காதலி 30 வயதான காசி பென்னட்டுடன் குடும்ப வாழ்க்கையில் இணைந்துள்ளார். இதைத் தொடர்ந்து கர்ப்பமடைந்த காசி பென்னட்டுக்கு அழகான பெண் குழந்தை பிறந்துள்ளது. தந்தை அந்தஸ்தை எட்டிய உசேன் போல்ட்டுக்கு ஜமைக்கா பிரதமர் ஆன்ட்ரூ ஹோல்னெஸ் மற்றும் ரசிகர்கள் சமூக வலைதளம் மூலம் வாழ்த்து தெரிவித்துள்ளனர்.