- வீடு›
- பொழுதுபோக்கு›
- விஜய் ஆண்டனி நடிக்கும் படத்தின் புதிய அப்டேட்
விஜய் ஆண்டனி நடிக்கும் படத்தின் புதிய அப்டேட்
By: vaithegi Fri, 10 Feb 2023 08:54:40 AM
'பிச்சைக்காரன் -2' படத்தின் புதிய அப்டேட் வெளியாகியுள்ளது ... இயக்குனர் சசி இயக்கத்தில் விஜய் ஆண்டனி நடித்த திரைப்படம் 'பிச்சைக்காரன்'. கடந்த 2016-ம் ஆண்டு வெளியான இந்த திரைப்படம் பிளாக்பஸ்டர் வெற்றியை பெற்றதோடு, விஜய் ஆண்டனியின் திரையுலக பயணத்தில் திருப்புமுனையை ஏற்படுத்தியது. இதைத்தொடர்ந்து இந்த படத்தின் 2-ம் பாகம் உருவாகி வருகிறது.
இதில் விஜய் ஆண்டனி நடிப்பதோடு மட்டுமல்லாமல் இயக்கியும் வருகிறார். இப்படத்தின் படப்பிடிப்பு மலேசியாவில் நடைபெற்ற போது விஜய் ஆண்டனிக்கு விபத்து ஏற்பட்டு மருத்துவமனையில் அனுமதிக்கப்பட்டிருந்தார். இதனையடுத்து அவர் தற்போது ஓய்வெடுத்து வருகிறார்.
இந்நிலையில், 'பிச்சைக்காரன் -2' படத்தின் புதிய அப்டேட் வெளியாகியுள்ளது. எனவே அதன்படி, இந்த திரைப்படத்தின் முதல் 4 நிமிடம், ஆரம்ப காட்சி ஸ்னீக் பீக் டிரைலர் இன்று மாலை 5 மணிக்கு வெளியாகும் என புதிய போஸ்டர் வெளியிட்டு விஜய் ஆண்டனி தன்னுடைய சமூக வலைதளத்தில் தெரிவித்துள்ளார்.
மேலும், 'பணம் உலகை காலி பண்ணிடும்' என பதிவிட்டுள்ளார். இதையடுத்து இந்த பதிவு தற்போது கவனம் ஈர்த்து இணையத்தில் வைரலாகி கொண்டு வருகிறது.