இரண்டு படத்திற்கான பூஜையை ஒரே நாளில் செய்த விஷால்!

தமிழ் சினிமாவில் முன்னணி நடிகராக இருக்கும் விஷால் இரண்டு படத்திற்கான பூஜையை ஒரே நாளில் செய்திருக்கிறார்.

தமிழ் சினிமாவில் முன்னணி நடிகராக வலம் வருபவர் விஷால். இவர் நடிப்பில் தற்போது சக்ரா திரைப்படம் உருவாகியுள்ளது. இதில் ரெஜினா, ஷ்ரத்தா ஸ்ரீநாத் ஆகியோர் கதாநாயகிகளாக நடித்துள்ளனர். எம்எஸ் ஆனந்தன் இயக்கியுள்ள இப்படத்திற்கு யுவன் சங்கர் ராஜா இசையமைத்துள்ளார். இப்படத்தின் படப்பிடிப்பு சமீபத்தில் முடிந்தது.

அதுபோல் விஷால் நடிப்பில் உருவாகி வரும் மற்றொரு படம் துப்பறிவாளன் 2. இந்த படத்தை விஷாலே இயக்கிவருகிறார். இப்படத்திற்கு இளையராஜா இசையமைத்து வருகிறார்.

ஆயுத பூஜையை முன்னிட்டு சக்கரா படத்தின் பின்னணி வேலைகளுக்கான பூஜையும், துப்பறிவாளன் 2 படத்தின் அடுத்த கட்ட படப்பிடிப்பிற்கான பூஜையும் ஒரே நாளில் நடந்துள்ளது. விஷாலுக்கு எதிராக தொடரப்பட்ட வழக்கு காரணமாக சக்ரா திரைப்படம் வெளியாவதில் தாமதம் ஏற்பட்டுள்ளது.