விஜய் ஆண்டனியின் கொலை படத்தில் லெய்லா-வாக நடிப்பது யார்?

சென்னை: விஜய் ஆண்டனியின் 'கொலை' படத்திலிருந்து லெய்லா கதாபாத்திரத்தில் யார் நடிக்கிறார் என்ற அறிவிப்பு வெளியாகியுள்ளது. இதனால் ரசிகர்கள் உற்சாகம் அடைந்துள்ளனர். இந்த படத்தின் மீதான எதிர்பார்ப்பு அதிகரித்துள்ளது என்றும் கூறப்படுகிறது.


நடிகர் விஜய் ஆண்டனி தற்போது தமிழ் சினிமாவின் பிசியான நடிகராக முன்னேறியுள்ளார். தற்போது அவர் இயக்குனர் பாலாஜிகுமார் இயக்கத்தில் 'கொலை' படத்தில் நடித்துள்ளார். இன்ஃபினிட்டி ஃபிலிம் வென்சர்ஸ், லோட்டஸ் பிக்சர்ஸ் மற்றும் டேபிள் ப்ராஃபிட் ஆகிய நிறுவனங்கள் இணைந்து இப்படத்தை தயாரித்து வருகின்றனர்.

இந்த படத்தில் ரித்திகா சிங் கதாநாயகியாக நடித்துள்ளார். இவர்களுடன் மீனாட்சி சவுத்ரி, ராதிகா சரத்குமார், முரளி சர்மா, அர்ஜுன் சிதம்பரம் ஆகியோர் நடித்துள்ளனர். க்ரீஷ் கோபாலகிருஷ்ணன் இசையில் உருவாகும் இப்படத்திற்கு சிவகுமார் விஜயன் ஒளிப்பதிவு செய்துள்ளார்.

இப்படத்தின் படப்பிடிப்பு நிறைவுபெற்று தற்போது தயாரிப்பு பணிகள் விறுவிறுப்பாக நடைபெற்று வருகிறது. இன்று படத்திலிருந்து லெய்லா கதாபாத்திரத்தின் கேரக்டர் போஸ்டர் வெளியாக இருப்பதாக அறிவிக்கப்பட்டிருந்தது. நடிகை மீனாட்சி சௌதாரி 'லெய்லா' என்ற கதாபாத்திரத்தில் நடித்துள்ளார்.


அவர் அழகில் மின்னும் புதிய போஸ்டர் வெளியாகியுள்ளது. "யாரும் எல்லா காலமும் வாழ்ந்துவிட போவதில்லை. ஆனால் இதற்கு செத்தும் போகலாம் என்ற அளவு ஒரு வாழ்வை வாழ்ந்துவிடலாம்" என்றும் தெரிவிக்கப்பட்டுள்ளது.