இந்திய வம்சாவளி டாக்டர்களின் உலக சங்கத்தின் 13வது ஆண்டு மாநாடு

காந்திநகர்: இந்திய வம்சாவளி டாக்டர்களின் உலக சங்கத்தின் 13வது ஆண்டு மாநாடு குஜராத் மாநில தலைநகர் காந்திநகரில் நடைபெற்றது. இதில் மத்திய சுகாதாரத்துறை அமைச்சர் மன்சுக் மாண்டவியா பேசினார்.

அப்போது அவர் கூறியதாவது:- புதிய மருத்துவமனை திறக்கும்போது டாக்டர்கள் தேவை. 8 ஆண்டுகளுக்கு முன்பு இந்தியாவில் 51 ஆயிரம் எம்.பி.பி.எஸ். இடங்கள் இருந்தன. இன்று 1 லட்சத்து 226 மருத்துவ இடங்கள் உள்ளன. மருத்துவப் படிப்புகளில் 34 ஆயிரம் இடங்கள் இருந்தன. தற்போது 64 ஆயிரமாக அதிகரித்துள்ளது.

மருத்துவம் மற்றும் முதுகலை படிப்புகள் இரண்டிற்கும் சமமான இடங்களை வழங்குவதை நோக்கமாகக் கொண்டுள்ளோம். இதை 4 ஆண்டுகளில் முடிக்க திட்டமிட்டுள்ளோம். இப்படிச் செய்தால் மருத்துவப் படிப்பை முடிக்கும் அனைவரும் மேற்கொண்டு படிக்கும் வாய்ப்பு கிடைக்கும்.

நமது ‘இந்தியாவில் குணமாகுங்கள்’ திட்டம், உலக நாடுகளில் வாழ்கிறவர்களையெல்லாம் இந்தியாவுக்கு அழைப்பது, மலிவான, தரமான மருத்துவம், ஆரோக்கியம், பாரம்பரிய மருந்துகளை வழங்குவதற்கானது. இதற்கான செயல்முறை தொடங்கி இருக்கிறது. இதற்கான செயல்முறை தொடங்கியுள்ளது.


நீங்கள் சுகாதாரத் துறையில் பணியாற்ற விரும்பினால் மற்றும் மருத்துவமனைகளின் சங்கிலியை உருவாக்க விரும்பினால், உங்களுக்கான தொழில் வாய்ப்பை உறுதி செய்ய விரும்புகிறேன். உங்களிடம் 50-100 படுக்கைகள் கொண்ட மருத்துவமனை இருந்தால், ஆயுஷ்மான் பாரத் திட்டத்தின் அங்கீகாரத்தைப் பெறுங்கள். தொழில் வாய்ப்பை அடைய முடியும். மக்களுக்கு சேவை செய்ய இது ஒரு வாய்ப்பு.

நீங்கள் வணிக ரீதியில் நடத்த விரும்பினால், ஆயுஷ்மான்பாரத் திட்டத்தின்கீழ் செயல்படலாம். இந்த ஆண்டு ஏப்ரல்-மே மாதங்களில் நடைபெறவுள்ள ‘ஹீல் இன் இந்தியா, ஹீல் பை இந்தியா’ (இந்தியாவில் குணமாகுங்கள், இந்தியாவால் குணமாகுங்கள்) கண்காட்சியில் 70-க்கும் மேற்பட்ட நாடுகள்- ஆஸ்பத்திரிகள் ஆஸ்பத்திரிகளுக்கு இடையேயும், நாட்டுக்கு நாடு இடையேயும், நாட்டுக்கும் ஆஸ்பத்திரிகளுக்கும் இடையேயும் புரிந்துணர்வு ஒப்பந்தங்களில் கையெழுத்திடும் என அவர் கூறினார்.