விழுப்புரத்தில் பிப்.24ம் தேதி உள்ளூர் விடுமுறை

விழுப்புரம் : உள்ளூர் விடுமுறை ... விழுப்புர மாவட்டத்தில் மேல்மலையனூர் அங்காளம்மன் கோயில் மிகவும் புகழ்பெற்ற கோவிலாகும். மேலும் மலையனூர் அங்காளம்மன் கோவிலானது சுமார் 2 ஆயிரம் ஆண்டுகளுக்கு முன்பு உருவான மிகவும் சிறப்பு வாய்ந்த கோவிலாகும்.

அத்துடன் மலையனூர் புற்று மண்ணை 48 நாட்கள் நெற்றியில் பூசி வந்தால் சகல நன்மைகளும் உங்களுக்கு கிடைக்கும் என்பது ஐதீகம்.மேலும் சென்னையில் இருந்து ஒவ்வொரு அமாவாசைக்கும் மேல் மலையனூருக்கு சுமார் 300 சிறப்பு பேருந்துகள் இயக்கப்படுவது வழக்கமாகும். இத்தகைய சிறப்பு வாய்ந்த கோவிலில் வருகிற பிப்ரவரி 24-ம் தேதி தேரோட்ட திருவிழா வெகு விமர்சையாக நடைபெற உள்ளது.

இதையடுத்து இந்த திருவிழாவை முன்னிட்டு கோவிலுக்கு பல்லாயிரக்கணக்கான பக்தர்கள் வருகை புரிவார்கள்.இத்திருவிழாவை முன்னிட்டு மாவட்டத்தில் இருக்கும் மக்கள் அனைவரும் சிறப்பாக கொண்டாடும் வகையில் பிப்.24-ம் தேதி அன்று உள்ளூர் விடுமுறை என மாவட்ட ஆட்சியர் அறிவித்துள்ளார்.

மேலும் இந்த விடுமுறை தினத்தை ஈடு செய்யும் விதமாக வருகிற மார்ச் 4ம் தேதி அன்று வேலை நாளாக செயல்படுத்தப்படும் என்றும் தெரிவிக்கப்பட்டுள்ளது. இந்நாளில் அரசு அலுவலகங்கள் மற்றும் பள்ளிகள் வழக்கம் போல் செயல்படும் என தகவல் தெரிவிக்கப்பட்டுள்ளது.