டெல்லியில் பள்ளி, கல்லூரிகள் உட்பட அரசு அலுவலகங்கள் 3 நாள் விடுமுறை

டெல்லி: 2023- ஆம் ஆண்டுக்கான ஜி-20 நாடுகளின் தலைமை பொறுப்பை இந்தியா வகித்து வருகிறது. இந்த நிலையில் நடப்பாண்டில் நாட்டின் பல்வேறு முக்கிய இடங்களிலும் ஜி20 மாநாடு நடத்தப்பட்டு வருகிறது.

இதையடுத்து தற்போது வருகிற செப்டம்பர் 9 மற்றும் 10ம் தேதி நாட்டின் தலைநகரான டெல்லியில் ஜி 20 உச்சி மாநாடு நடைபெறவுள்ளது. இம்மாநாட்டிற்கு ஜி-20 நாடுகளின் முக்கிய தலைவர்கள், அமைச்சர்கள் மற்றும் அதிகாரிகள், மேலும் பன்னாட்டு நிறுவன அமைப்புகளின் தலைவர்களும் கலந்து கொள்ளவுள்ளனர்.

இதனால் டெல்லி நகர் முழுவதும் கடந்த சில வாரங்களாக அதிகப்படியான கெடுபிடிகள் நடந்து வருகிறது. இந்த நிலையில் உச்சி மாநாட்டை முன்னிட்டு செப்டம்பர் 8 முதல் 10ம் தேதி வரை அனைத்து பள்ளி, கல்லூரிகள் மற்றும் அரசு அலுவலகங்கள் போன்ற அனைத்திற்கும் விடுமுறை அளிக்கப்பட்டு உத்தரவிடப்பட்டு உள்ளது.

மேலும் 8-ம் தேதி மற்றும் 9-ம் தேதிகளில் பள்ளிகளில் பாடங்களை முடிக்கும் விதமாக ஆன்லைன் வகுப்புகள் ஏற்பாடுகள் செய்யப்பட்டு உள்ளது. இந்த விடுமுறை நாட்களில் கல்வித்துறையின் ஊழியர்கள் யாரும் வெளியூர்களுக்கு பயணிக்க வேண்டாம் என அறிவுறுத்தப்பட்டு உள்ளது.