ஜி 20 மாநாட்டை ஒட்டி சென்னையில் வரும் 31ம் தேதி கல்விக்குழு கூட்டம்

சென்னை: ஜி20 மாநாட்டையொட்டி சென்னையில் ஜனவரி 31 முதல் பிப்ரவரி 2ம் தேதி வரை கல்விக்குழு கூட்டம் நடைபெறும் என தெரிவிக்கப்பட்டுள்ளது.

ஜி-20′ மாநாடு ஆனது அர்ஜென்டினா, ஆஸ்திரேலியா, பிரேசில், கனடா, சீனா, பிரான்ஸ், ஜெர்மனி, இந்தியா, இந்தோனேசியா, இத்தாலி, ஜப்பான், தென் கொரியா, மெக்சிகோ, ரஷ்யா, சவுதி அரேபியா, தென்னாப்பிரிக்கா, துருக்கி, இங்கிலாந்து, ஆகிய 19 நாடுகளைக் கொண்டுள்ளது. அமெரிக்கா. , ஐரோப்பிய ஒன்றியமும் சேர்க்கப்பட்டுள்ளது.

இந்நிலையில் 2022 நவம்பரில் இந்தோனேசியாவின் பாலி நகரில் ஜி-20 உச்சி மாநாடு நடைபெற்றது.இதையடுத்து ஜி-20 மாநாட்டின் தலைமை பொறுப்பு இந்தியாவிடம் ஒப்படைக்கப்பட்டது. அதை பிரதமர் மோடி ஏற்றுக்கொண்டார்.

இது குறித்து பேசிய பிரதமர் மோடி, “நமது நாடு 75வது சுதந்திர தினத்தை கொண்டாடும் நேரத்தில், ‘ஜி-20’ அமைப்பை வழிநடத்துவது பெருமையாக உள்ளது. இது நமக்கு கிடைத்த மிகப்பெரிய வாய்ப்பு என்று குறிப்பிட்டார். இதைத் தொடர்ந்து, கடந்த ஆண்டு டிசம்பர் 1ஆம் தேதி ஜி-20 அமைப்பின் தலைவராக இந்தியா பொறுப்பேற்றது.

இதற்குப் பிறகு இந்தியாவில் ஜி-20 தலைமைக்கான ஏற்பாடுகள் முழு வீச்சில் செயல்பட்டு வருகின்றன. நாட்டின் பல்வேறு நகரங்களில் மாநாட்டு கூட்டங்கள் நடத்தப்படும் என மத்திய அரசு அறிவித்துள்ளது.

இந்நிலையில், மேற்கு வங்க மாநிலம் கொல்கத்தா நகரில் ஜி-20 மாநாடு முதன்முறையாக நடைபெற்றது. இந்நிலையில், ஜி20 மாநாட்டையொட்டி சென்னையில் ஜனவரி 31 முதல் பிப்ரவரி 2ம் தேதி வரை கல்விக்குழு கூட்டம் நடைபெறும் என தெரிவிக்கப்பட்டுள்ளது.