ஆண் துணையின்றி கர்ப்பமான பெண் முதலை அடையாளம் காணப்பட்டது

நியூயார்க்: கோஸ்டாரிகாவில் உள்ள உயிரியல் பூங்காவில் ஆண் துணையின்றி கர்ப்பமான பெண் முதலை முதல் முறையாக அடையாளம் காணப்பட்டுள்ளது. இந்த முதலை 99.9 சதவிகிதம் மரபணு ரீதியாக தன்னை ஒத்த கருவை உருவாக்கியது என்று ஆராய்ச்சியாளர்கள் கருத்து தெரிவித்துள்ளனர்.

அமெரிக்காவின் வர்ஜீனியா பாலிடெக்னிக் கல்லூரி மற்றும் ஸ்டேட் யுனிவர்சிட்டியைச் சேர்ந்த ஆராய்ச்சியாளர்கள் குழு இந்த கண்டுபிடிப்பை மேற்கொண்டது.

பறவைகள், பல்லிகள் மற்றும் பாம்புகள் மற்றும் சில மீன்கள் போன்ற ஊர்வன உட்பட பல்வேறு வகையான இனங்களில் இந்த வகையான கர்ப்பம் ஏற்படுகிறது. முதலைகளில் இது மிகவும் அரிதான நிகழ்வு. இது facultative parthenogenesis என்று அழைக்கப்படுகிறது. 16 ஆண்டுகளுக்கு முன்பு பிடிக்கப்பட்ட பெண் முதலை, சமீபத்தில் 14 முட்டைகளை இட்டது.

அதில் ஒன்றில் முழுமையாக உருவான கரு இருந்தது. ஆனால் அது இறந்து பிறந்தது. சமீப காலமாக முதலைகளில் இதுபோன்ற இனப்பெருக்கம் அதிகரித்து வருவதாக ஆய்வாளர்கள் தெரிவித்துள்ளனர்.