குரங்கு காய்ச்சலின் புதிய அறிகுறிகள் குறித்து வெளியான ஆய்வு அறிக்கை

பிரிட்டன்: குரங்கு காய்ச்சலால் பாதிக்கப்பட்ட நோயாளிகளுக்கு புதிய அறிகுறிகளைக் காட்டுவதாக ஒரு ஆய்வு கூறியுள்ளது. குரங்கு அம்மை வைரஸ் தற்போது உலகெங்கிலும் உள்ள பல நாடுகளில் மெதுவாகப் பரவி வருகிறது.

இந்தியாவில் இதுவரை 9 பேருக்கு குரங்கு அம்மை ஏற்படட்டுள்ளது மற்றும் இந்த வைரசால் பாதிக்கப்பட்ட ஒரு நோயாளியும் இறந்துள்ளார். இது தொடர்பாக மத்திய அரசு தீவிர நடவடிக்கை எடுத்து வருகிறது. இதற்கிடையில், குரங்கு காய்ச்சலால் பாதிக்கப்பட்ட நோயாளிகளுக்கு புதிய அறிகுறிகளைக் காட்டுவதாக ஒரு ஆய்வு கூறியுள்ளது. பிரிட்டிஷ் மெடிக்கல் ஜர்னலில் வெளியிடப்பட்ட ஒரு ஆய்வில், தற்போது குரங்கு காய்ச்சலால் பாதிக்கப்பட்டவர்கள் பொதுவாக வைரஸ் தொற்றுடன் தொடர்புபடுத்தாத அறிகுறிகளைக் காட்டுவதாகக் கூறுகின்றனர்.

மே மற்றும் ஜூலை 2022க்கு இடையில் லண்டனில் 197 பிற குரங்கு அம்மையால் பாதிக்கப்பட்டு இருந்தனர். நோயாளிகளால் தெரிவிக்கப்படும் சில பொதுவான அறிகுறிகளில் முந்தைய அறிகுறிகளிலிருந்து வேறுபட்டது. அதன்படி அந்தரங்கப் பகுதியில் வலி மற்றும் வீக்கம் ஆகியவை இந்த புதிய அறிகுறியில் அடங்கும் என்று ஆராய்ச்சியாளர்கள் தெரிவித்தனர்.


ஆய்வில் சேர்க்கப்பட்ட 197 பேரும் சராசரியாக 38 வயதுடைய ஆண்கள் ஆவார்கள். இவர்களில் 196 பேர் ஓரினச்சேர்க்கையாளர்கள் மற்றும் பாலியல் ரீதியாக அடையாளம் காணப்பட்டனர். நோயாளிகள் ஆண்களுடன் உடலுறவு கொள்ளும் மற்ற ஆண்களாக அடையாளம் காணப்பட்டனர்.
86 சதவீத நோயாளிகள் இந்த நோய் முழு உடலையும் பாதித்ததாக அறிக்கை கூறியுள்ளது. மிகவும் பொதுவான அறிகுறிகளில் காய்ச்சல் (62 சதவீதம்), வீங்கிய நிணநீர் முனைகள் (58 சதவீதம்) மற்றும் தசை வலி (32 சதவீதம்) ஆகியவை அடங்கும். ஆய்வில், 71 நோயாளிகள் அந்தரங்கப் பகுதியில் வலி இருப்பதாகவும், 33 பேருக்கு தொண்டை வலி இருப்பதாகவும், 31 பேர் அந்தரங்கப் பகுதியில் வீக்கம் இருப்பதாகவும் தெரிவித்தனர். 27 நோயாளிகளுக்கு வாயில் புண்கள் இருந்தன, 22 நோயாளிகளுக்கு உடலின் வெவ்வேறு பகுதிகளில் ஒற்றைப் புண்கள் இருந்தன, 9 நோயாளிகளுக்கு டான்சில்ஸ் வீங்கியிருந்தது.

அதேபோல் நோயாளிகளில் மூன்றில் ஒரு பகுதியினர் (36 சதவீதம்) எச்ஐவி தொற்று மற்றும் 32 சதவீதம் பேர் பாலுறவு மூலம் பரவும் தொற்று நோயால் பாதிக்கப்பட்டுள்ளனர் என்று கூறப்பட்டுள்ளது.