மும்பையில் 10ம் வகுப்பு பொதுத் தேர்வுகள் தொடங்கியது

மும்பை; பொதுத் தேர்வு தொடங்கியது... மராட்டியத்தில் 12-ம் வகுப்பு பொதுத்தேர்வுகள் கடந்த 21-ந் தேதி தொடங்கியது.

எஸ்.எஸ்.எல்.சி. எனப்படும் 10-ம் வகுப்பு பொதுத்தேர்வு நேற்று தொடங்கியது. மாநிலம் முழுவதும் 15.7 லட்சம் மாணவர்கள் தேர்வை எழுதினர். மும்பை கல்வி மண்டலத்தில் மட்டும் 3½ லட்சம் மாணவர்கள் தேர்வுக்கு விண்ணப்பித்தனர்.

மும்பையில் உள்ள பள்ளிகளில் மாணவர்கள் ஆர்வமாக தேர்வு எழுதினர். மாணவர்கள் காலை 10.30 மணிக்கு தேர்வறையில் உட்கார அனுமதிக்கப்பட்டனர்.

அவர்களுக்கு 11 மணிக்கு வினாத்தாள் சரியாக வழங்கப்பட்டது தேர்வு தொடங்கியது. 25-ந் தேதி தேர்வு முடிகிறது முதல் நாளான நேற்று மராத்தி, இந்தி, தமிழ், உருது, கன்னடம், தெலுங்கு, மலையாளம் போன்ற மொழிப்பாட தேர்வுகள் நடந்தது.

காலை 11 மணிக்கு தொடங்கிய தேர்வு பிற்பகல் 2 மணிக்கு முடிந்தது. மதியம் 3 மணிக்கு பிரஞ்சு தேர்வு நடந்தது. இன்றும் (வெள்ளிக்கிழமை) மொழிப்பாடத்தேர்வுகள் நடந்தது. 10-ம் வகுப்பு பொதுத்தேர்வு வருகிற 25-ந் தேதி முடிவடைகிறது.