எதிர்க்கட்சிகளின் தொடர் அமளியால் நாடாளுமன்றத்தின் இரு அவைகளும் ஒத்தி வைப்பு

புதுடில்லி: எதிர்க்கட்சிகளின் தொடர் அமளியால் நாடாளுமன்றத்தின் இரு அவைகளும் நாளை காலை 11 மணிக்கு ஒத்திவைக்கப்படுவதாக சபாநாயகர் ஓம் பிர்லா தெரிவித்துள்ளார்.

இந்த ஆண்டின் முதல் நாடாளுமன்றக் கூட்டத்தொடர் கடந்த ஜனவரி 31ஆம் தேதி குடியரசுத் தலைவர் உரையுடன் தொடங்கியது. மத்திய பட்ஜெட் பிப்ரவரி 1-ம் தேதி தாக்கல் செய்யப்பட்டது. இதைத் தொடர்ந்து குடியரசுத் தலைவர் உரைக்கு நன்றி தெரிவிக்கும் வாக்கெடுப்பும் பட்ஜெட் மீதான விவாதமும் நடத்தப்பட வேண்டும்.

இந்நிலையில், அதானி குழும விதிமீறல்களை விசாரிக்க நாடாளுமன்ற கூட்டுக் குழு அல்லது உச்ச நீதிமன்ற தலைமை நீதிபதி மேற்பார்வையில் விசாரணைக் குழு அமைக்க வேண்டும் என நாடாளுமன்றத்தில் எதிர்க்கட்சிகள் வலியுறுத்தி வருகின்றன. இது தொடர்பாக நாடாளுமன்றத்தில் ஏற்பட்ட தொடர் அமளி காரணமாக கடந்த இரண்டு வேலை நாட்களாக நாடாளுமன்றம் நாள் முழுவதும் ஒத்திவைக்கப்பட்டது.

இதையடுத்து இன்று (திங்கட்கிழமை) காலை 11 மணிக்கு நாடாளுமன்றத்தின் இரு அவைகளும் கூடியது. அதானி நிறுவனத்தில் எல்ஐசி முதலீடு மற்றும் அதானி குழுமத்திற்கு அரசு வங்கிகள் வழங்கிய கடன்கள் குறித்து நாடாளுமன்றத்தில் விவாதிக்க வேண்டும். அதானி குழும விவகாரம் தொடர்பாக நாடாளுமன்ற கூட்டுக் குழுவை அமைக்கக் கோரி எதிர்க்கட்சிகள் இன்றும் நாடாளுமன்றத்தில் தொடர்ந்து போராட்டம் நடத்தின.

எதிர்க்கட்சி உறுப்பினர்கள் அமைதியாக இருக்குமாறு மக்களவை சபாநாயகர் ஓம் பிர்லா வலியுறுத்தினார். ஆனால், எதிர்க்கட்சியினர் தொடர்ந்து முழக்கங்களை எழுப்பி வன்முறையில் ஈடுபட்டதால் அவையை பிற்பகல் 2 மணி வரை சபாநாயகர் ஒத்திவைத்தார். இந்நிலையில் 2 மணி நேரத்திற்கு பிறகு அவை மீண்டும் கூடியது.

அப்போது, அதானி குழும ஊழல் வழக்கில் நாடாளுமன்ற கூட்டுக் குழு விசாரணை நடத்த வேண்டும் என எதிர்க்கட்சிகள் தொடர்ந்து வலியுறுத்தின. எதிர்க்கட்சிகளின் தொடர் அமளியால் நாடாளுமன்றத்தின் இரு அவைகளும் நாளை காலை 11 மணிக்கு ஒத்திவைக்கப்படுவதாக சபாநாயகர் ஓம் பிர்லா தெரிவித்துள்ளார்.